Xana Misava Leyi Yi Ta Pona?

Xivutiso xexo lexi kokaka nyingiso i xihloko xa xiphephana lexi hangalasiwaka hi Timbhoni ta Yehovha. N’wexemu muaki wa le Washington D.C., u kume xiphephana lexi ivi a ku xi n’wi tsakisile swinene. U tsarile:

“Swi le rivaleni eka un’wana ni un’wana loyi a hanyaka entsindza wa tiko ra ka hina leswaku hakunene misava yi ya eku heleni. N’walungu wa Ireland, khale ka Yugoslavia, khale ka matiko ya Soviet Union, hinkwawo ya tiyisekisa munyama ni ku xaniseka loku weleke misava leyi namuntlha. Makhotso lama ngo khapa, tinhlayo letintshwa ta vuvabyi bya rifuva ni black plague, hinkwaswo swi tiyisekisa yinhla leyi mi yi boxeke exiphephanini xa n’wina.”

Wanuna loyi u komberile: “Ndzi kombela mi ndzi rhumelela rungula leri engetelekeke mayelana ni langutelo ra n’wina leri hlawulekeke, ni dyondzo ya Bibele ya le kaya ya mahala leyi mi yi tshembiseke.”

Timbhoni ta Yehovha ti komba vanhu leswi Bibele yi swi vulaka hi vumundzuku bya vanhu. Loko u tsakela ku kuma kopi ya xiphephana lexi boxiweke laha henhla kumbe u lava dyondzo ya le kaya ya Bibele ya mahala, hi kombela u tsalela Watch Tower, Private Bag X2067, Krugersdorp, 1740, kumbe eka adirese leyi faneleke eka leti longoloxiweke eka tluka 5.