Xalamuka! Xisekelo Xa Xikambelo

LOKO swichudeni swa le tikweni ra le Amerika Dzonga eSuriname swi pfula xibukwana xa swona xa xikambelo xo nghena exikolweni xa le henhla hi July 1993, swi kume leswaku vahlayi va nkarhi na nkarhi va magazini wa Xalamuka! a va vuyeriwile. Leswi swi vangiwe hi leswi kwalomu ka hafu ya swivutiso swa xibukwana xa matluka ya 36, lexi a xi lunghiseleriwe hi Ndzawulo ya Dyondzo ya Vutirheli bya Swikambelo, a swi sekeriwe eka swihloko swimbirhi swa Xalamuka!

Ku sukela eka tluka 1 ku ya eka 9 a xi vulavula hi xihloko lexi nge “Swidakana—Minkarhi Yo Nonon’hwa eMakhwatini Ya Le Madorobeni” lexi humeleleke eka Awake! ya October 8, 1992. A ku ri na swivutiso swa 21 leswi a swi vutisiwa ku kambela ntwisiso wa mhaka yoleyo. Matluka 10 ku ya ka 16 ya xikambelo a ya ri na 14 wa swivutiso exihlokweni lexi nge “Capybara—I Xihoxo Kumbe I Masingita Ya Ntumbuluko?” lexi humeleleke eka Awake! ya September 22, 1992.

Nhloko ya xikolo exiphen’wini xa le vupela-dyambu bya Suriname, yi te: “Hi ku tirhisa swihloko leswi ku kambela ntwisiso wa mongo eka swichudeni swa tiko hinkwaro, valawuri va xikolo va kombisa leswaku va xiya Xalamuka! yi ri xikombiso xa ririmi leri faneleke ni matsalelo lama kongomeke.”

Loko u ta tsakela ku kuma ndlela leyi u nga kumaka kopi ya Xalamuka! ha yona kumbe u tsakela leswaku un’wana a ku endzela ekaya ra wena leswaku mi ta bula hi mhaka leyi, hi kombela u tsalela Watch Tower, Private Bag X2067, Krugersdorp, 1740, kumbe eka adirese leyi faneleke eka leti longoloxiweke eka tluka 5.