Mpfuno Eka Vantshwa Lava Tshikilelekeke

Loko nhwanyana un’wana exikolweni xa New Jersey, U.S.A., a hlundzukile kutani a huma etlilasini hi ku tsutsuma, loyi a nghenaka na yena etlilasini u n’wi landzelerile le ndlwini ya vanhwanyana. “Loko ndzi fike eka yena,” ku vule loyi a nghenaka na yena etlilasini, “a a ri eku rileni, kutani a ndzi byela hi swin’wana swa swiphiqo swa ndyangu wa ka vona. Vatswari vakwe a a va dlaya vukati, kutani a swi n’wi tikela ku veka nyingiso entirhweni wakwe wa xikolo. U ndzi byele leswaku a a lava ku baleka ekaya.”

Loyi a nghenaka na yena etlilasini u byele nhwanyana loyi a nga ni gome leswaku u tsakela ku n’wi tisela buku leyi nge Swivutiso Leswi Vantshwa Va Swi Vutisaka—Tinhlamulo Leti Tirhaka. Hi siku leri tlhandlamaka u te na yona, a funghele munghana wakwe swihloko swa tindzimana to kota “Ha Yini Ndzi Fanele Ku ‘Xixima Tatana na Manana’?,” “Ha Yini Papa Na Mama Va Hambanile?,” “Xana Ndzi Nga Hlangavetana Njhani Ni Ntshikilelo Wa Tintangha?,” “Xana Ndzi Fanele Ku Baleka eKaya?”

“Loko ndzi n’wi nyike buku,” ku vula loyi a nghenaka na yena etlilasini, “vanhwanyana van’wana vambirhi va yi vonile kutani a va lava ku tiva. Va kombele leswaku na vona ndzi va tela ni tikopi. Kutani ndzi nyikile un’wana ni un’wana wa vona kopi ya yena ya buku leyi. Vana van’wana etlilasini ya mina va vone un’wana wa vanhwanyana lava a ri karhi a phendla-phendla buku leyi, ivi hinkwavo va lava ku yi vona. Buku yi hetelele yi ri karhi yi rhendzeleka ni tlilasi hi mpfumelelo wa mudyondzisi.”

Loko u tsakela ku kuma kopi ya buku leyi nge Swivutiso Leswi Vantshwa Va Swi Vutisaka—Tinhlamulo Leti Tirhaka kumbe u tsakela ku kuma dyondzo ya mahala ya le kaya ya Bibele, hi kombela u tsalela eka Watch Tower, Private Bag X2067, Krugersdorp, 1740, kumbe eka adirese leyi faneleke eka leti longoloxiweke eka tluka 5.