Lava Nga Tlangisiki, A Va Nga Pfumali

ENKARHINI wa vanhu va manguva lawa lava xavaka, ndlela leyi sirhelelekeke yo lahla thyaka ni masalela lama nga ni khombo yi hundzuke nchumu wo chavisa swinene. Ku hambana ni sweswo, ntumbuluko wa Xikwembu i singita ra ku londzovota ni ku pfuxeta. Hi xikombiso, anakanya hi xihlenge. Mhula wa tinyoxi, nhundzu yo aka xihlenge, i nchumu wun’wana wa nkoka swinene—mbonga wu fanele wu kuma 16 wa tigiramu ta vulombe ni nsindza wo tala swinene leswaku wu endla giramu yin’we ya mhula wa tinyoxi. Xana tinyoxi ti wu tirhisa njhani mhula wa tona hi ndlela yo londzovota? “Makhumbi lawa ma endliweke hi mhula ya makamara ya xihlenge i manharhu-nharhu, kutani ma hlangana eka yinhla leyi nga 120 wa tidigri, ma vumba nhlengeleto wa swivumbeko leswi nga na tsevu wa matlhelo,” ku hlamusela buku leyi nge, By Nature’s Design. “Endlelo leri ri pfumelela tinyoxi leswaku ti hunguta mpimo wa mhula lowu ti wu tirhisaka, ti ri karhi ti aka xivumbeko xo tiya lexi ti nga ta veka vulombe eka xona.” Kutani ke xivumbeko lexi xi endliwe hi vutshila lebyi katsaneke ni vuxongi naswona xi tirha hi ndlela leyi vuyerisaka, kasi xi nga tlhela xi tirhiseriwa swin’wana nakambe!

Loko u tiphina hi ku hlaya swihloko swa sayense ni masingita ya ntumbuluko, naswona u tsakela ku kuma Xalamuka! nkarhi na nkarhi, vonana na Timbhoni ta Yehovha endhawini ya ka n’wina kumbe u tsalela eka adirese leyi nga ekusuhi eka leti longoloxiweke eka tluka 5.