Nchumu Lowu Vantshwa Va Wu Lavaka Namuntlha

Xinhwanyetana xa 14 wa malembe hi vukhale xa le New Jersey, U.S.A., xi vule leswaku eku sunguleni ka lembe leri xi komberiwe ku tsala xiviko hi mhaka leyi nge, “Lexi Endla Swichudeni Swi Kopela Hi Nkarhi Wa Xikambelo.” Xi te ni buku ya xona lexi nge Swivutiso Leswi Vantshwa Va Swi Vutisaka—Tinhlamulo Leti Tirhaka exikolweni leswaku xi ta endla vulavisisi. Un’wana wa lava xi nghenaka na vona xikolo u yi tekile kutani a sungula ku hlaya swihloko leswi nga eka swiyenge swa xikombo xa tinhloko-mhaka, swo tanihi leswi nge “Rimbewu Ni Mahanyelo” ni lexi nge “Ku Gangisana, Rirhandzu Ni Va Rimbewu Leri Hambaneke.”

Mudyondzi-kulobye u te: “Ndzi kombela buku leyi?”

Xichudeni xi te: “Ndzi n’wi hlamusele leswaku leyi i kopi ya mina, kambe ndzi nga n’wi tela ni ya yena. Loko ndzi te na yona, mudyondzi un’wana etlasini u yi vonile buku leyi, kutani a kombela leswaku ndzi n’wi kumela ya yena. Endzhakunyana ka sweswo, ndzi te na khume ra tibuku leti leti nge Vantshwa, ndzi ti tisela swichudeni leswi swi ti kombeleke.”

Xichudeni lexi xa 14 wa malembe hi vukhale xi vula leswaku i swa nkoka ku va ni buku leyi. Xi te: “Hakunene ha yi lava buku leyi hikuva swa tika masiku lawa loko u ri muntshwa.”

Loko u swi tsakela ku va ni kopi ya buku leyi nge Swivutiso Leswi Vantshwa Va Swi Vutisaka—Tinhlamulo Leti Tirhaka kumbe u swi tsakela leswaku un’wana a ku endzela ekaya ra wena mi ta bula hi nkoka wa dyondzo ya Bibele, hi kombela u tsalela Watch Tower, Private Bag X2067, Krugersdorp, 1740, kumbe eka adirese leyi nga ekusuhi na wena eka leti xaxametiweke eka tlula 5.