“Mpfuno Lowukulu Eka Vanhu”

“Mi nyikele mpfuno lowukulu eka vanhu hi ku humesa buku leyi. Ya hlamarisa. Yi hleriwe kahle. Yi faneriwa hi ku tlangeriwa.

“Lexi endlaka buku leyi yi rhandzeka, hileswi yi hlamuselaka xivumbeko xin’wana ni xin’wana xa vukhongeri, naswona loko mi ri karhi mi endla tano, mi papalate ku sandza vukhongeri byo karhi. Mi endle ntirho wa kahle. Yi hlawulekile hakunene.”

Xana dokodela loyi wa le Tiruchchirappalli, eIndia, loyi a tsaleke papila leri, a a vulavula hi buku yihi? Ku Lavisisa Ka Vanhu Xikwembu, buku ya matluka ya 384 leyi hlamuselaka masungulo ni tidyondzo ta vukhongeri lebyikulu bya misava—Vuhindu, Vubudha, Vutao, Vuconfucius, Vushinto, Vuyuda, Vukreste ni Vuislem. Tindzima to hetelela ti hlamusela ku pfumala ripfumelo ka manguva lawa ni ku tlhelela eka Xikwembu xa ntiyiso. Ku kandziyisiwe tikopi ta buku leyi to tlula 16 wa timiliyoni hi tindzimi ta 37.

Dokodela loyi u hlaye kopi leyi a yi lombeke. Hiloko a lava leyi nga ta va ya yena. Loko u lava rungula leri engetelekeke mayelana ni ndlela yo kuma buku leyi yi nga ni swifaniso, hi kombela u vonana ni Timbhoni ta Yehovha endhawini ya ka n’wina kumbe u tsalela eka adirese leyi nga ekusuhi na wena eka leti nga eka tluka 5 ra magazini lowu.