U Tiva Yini Malunghana Na Yesu?

Mukhegula wa malembe ya 84 hi vukhale la tshamaka le United States u vule leswi malunghana na buku leyi nge Nghwazi Leyi Tshameke Yi Hanya, leyi nga ni matluka ya 448 leyi hlamuselaka vutomi bya Yesu Kreste: “Ndzi hlaye Bibele ndzi yi heta hi minkarhi yo tala, kambe Nghwazi yi ndzi pfune ku twisisa ku antswa ku hlaya ka mina Bibele.” Buku leyi yi endla timhaka ta Bibele ta vutomi bya Yesu ti va ta xiviri eka yena.

U tsarile: “A ndzi karhali ku yi hlaya. Ndzi yi hlaye ka nkombo naswona ndzi sungule ku yi hlaya nakambe. Mbilu ya mina yi susumeteleka ku tlangela timfanelo leti hlamarisaka ta Yesu. Loko ndzi hlaya tindzima leti vulavulaka hi vhiki ro hetelela ra Yesu laha misaveni, ndzi vavisiwa hi ndlela yo biha leyi a nga khomiwa ha yona, ngopfu-ngopfu eka tiawara ta yena to hetelela, ndzi tlhela ndzi vavisiwa ni hi rifu ra yena emhandzini ya nxaniso. Kambe, u dzunise Tata wa hina wa le tilweni, Yehovha.”

Ebukwini leyi nge Nghwazi Leyi Tshameke Yi Hanya, ku endliwe matshalatshala yo nyikela xiendlakalo xin’wana ni xin’wana xa vutomi bya Yesu bya laha misaveni lexi andlariweke kahle eka Tievhangeli ta mune. Yi nga ku pfuna ku dyondza leswi engetelekeke ha Yesu. Loko u tsakela rungula leri engetelekeke mayelana ni ku kuma kopi ya yona kumbe ku va ni dyondzo ya le kaya ya Bibele ya mahala hi kombela u tsalela eka Watch Tower, Private Bag X2067, Krugersdorp, 1740, South Africa, kumbe eka adirese leyi faneleke eka leti longoloxiweke eka tluka 5.