“Hi Yona Buku Yo Sungula Leyi A Yi Hlayeke”

Timbhoni ta Yehovha eUkraine, hakanyingi ti burisana ni lava rindzeleke switimela. Wansati un’wana loyi a tikombeke a tsakela Bibele u nyikiwe kopi ya Buku Yanga Ya Timhaka Ta Bibele, ku nga buku leyi tirhisaka swifaniso swo tala eka nxaxamelo wa yona wa matimu ya Bibele.

Endzhaku ka nkarhinyana, eka xitichi lexi fanaka, wansati loyi u vone Mbhoni liyani nakambe ivi a yi nkhensa hikwalaho ka buku leyi, a ku: “N’wana wa mina a a nga swi lavi ku dyondza tibuku ta yena ta xikolo. A a nga ti hlayi nikatsongo. Kambe loko ndzi n’wi nyike Buku Yanga, u vone swifaniso kutani a swi navela ngopfu ku yi hlaya. U hlaye buku hinkwayo ku nga si hela kwalomu ka mavhiki mambirhi. Hi yona buku yo sungula leyi a yi hlayeke. Kambe ku tlula sweswo hinkwaswo, u tsakisiwe hi ku va a tive Xikwembu. Kutani loko ku ri mina ndza tsaka leswi ndzi vonaka ku cinca ka yena. Ndzi kombela mi ndzi nyika tin’wana leti ndzi nga ta ti hlaya.”

Wansati un’wana a yime ekusuhi naswona u ri twile bulo leri. U vutisile loko swi nga koteka leswaku a kuma kopi ya Buku Yanga Ya Timhaka Ta Bibele. Na wena u nga ri kuma rungula leri engetelekeke mayelana ni ndlela yo kuma kopi ya buku leyi ya matluka ya 256 kumbe u kuma loyi a nga ta ku endzela ekaya ka wena leswaku a ta burisana na wena mayelana ni nkoka wa dyondzo ya Bibele, hi ku tsalela eka Watch Tower, Private Bag X2067, Krugersdorp, 1740, South Africa, kumbe eka adirese leyi faneleke eka leti xaxametiweke eka tluka 5.