“Lexi Ndzi Xi Navelaka Ngopfu”

NTLAWA wa swichudeni eVranje, le Yugoslavia a wu averiwe ku tsala mhaka hi xihloko lexi nga laha henhla. Hi lexi xitsalwana xa Sergej, la nga ni malembe ya nhungu hi vukhale, loyi xitsalwana xakwe xi nga hetelela xi namekiwe exikolweni leswaku hinkwavo va xi hlaya.

“Xo sungula, a ndzi lava ku tsala hi leswaku lexi ndzi xi navelaka ngopfu i ku heta xikolo ndzi pase kahle ngopfu kutani ndzi endzela eBelgrade. Kambe loko ndzi fika ekaya ndzi ehlekete hi swin’wana. Lexi ndzi xi navelaka ngopfu hileswaku misava hinkwayo yi va ni ku rhula, leswaku vanhu hinkwavo va hanya hi ku rhula, nileswaku va rhandzana ni ku pfunana. Ndzi nga tsakela leswaku vanhu hinkwavo va va ni rihanyo lerinene nileswaku pulanete ya hina yi basa ku tlula leswi yi nga swona sweswi.

“Namuntlha, misava yi thyakisiwe hi tikhemikhali. Mati ni moya swi thyakisiwile na swona. Hikwalaho ka ndlala emisaveni, vana va magidi va fa siku ni siku, naswona van’wana lava engetelekeke va fa hikwalaho ka mavabyi. Ndzi ta tsakela leswaku hinkwaswo sweswo swi hela, naswona ndzi ta tsakela leswaku vana hinkwavo va kuma rirhandzu ra vatswari, leswaku va ta etlela va tsakile, va tiva leswaku siku rin’wana ni rin’wana leri tlhandlamaka ri ta va lerinene. Leswi a swi koteki emisaveni leyi, kambe swi ta koteka enkarhini lowu taka. Leswi hi swona ndzi swi navelaka ngopfu.”

I yini lexi endleke leswaku Sergej a tiyiseka leswaku swilo leswi swi ta koteka? U kholwa switshembiso swa Xikwembu leswi hlamuseriweke eBibeleni. Broxara leyi nge Xana Xikwembu Xa Hi Khathalela Hakunene? yi hlamusela switshembiso leswi exihlokweni lexi nge “Misava Leyintshwa Yo Saseka Leyi Endliweke Hi Xikwembu.” Na wena u nga kuma broxara leyi hi ku tata ni ku rhumela xiphephana lexi, eka adirese leyi kombisiweke eka xiphephana lexi kumbe eka adirese leyi faneleke eka leti longoloxiweke eka tlula 5 ra magazini lowu.

□ Ndzi rhumeleni rungula leri engetelekeke malunghana ni ku kuma broxara leyi nge Xana Xikwembu Xa Hi Khathalela Hakunene?

Kombisa ririmi leri u ri lavaka

□ Ndzi kombela mi tihlanganisa na mina malunghana ni dyondzo ya mahala ya Bibele.