“Ndzi Rhandza Ndlela Leyi Yi Vekaka Timhaka Ha Yona”

Leswi swi vuriwe hi xandla xa mukongomisi wa mabindzu la ha riki muntshwa, la humaka eYucatán le Mexico, malunghana ni ndlela leyi Xalamuka! yi rungulaka timhaka ha yona. Epapileni u hlamusele leswaku u kume Xalamuka! eka mutirhi-kulobye la nga Mbhoni, loyi va tirhaka swin’we eka khampani ya ndzindza-khombo.

Malunghana na Xalamuka! u te: “I xihlovo xa xiviri xa rungula ni ntiyiso. Ndzi rhandza ndlela leyi yi vekaka timhaka ha yona, hikuva a yi seketeli vonelo ni rin’we ra politiki naswona a yi teki vanhu van’wana va ri lava tlakukeke eka van’wana. Hi ku hlaya magazini lowu, ndzi kume ntlhantlho wa swiphiqo. Lowu i magazini lowu tsakisaka, lowu ringaniselaka, lowu nga enkarhini ni lowu vuyerisaka. Ndzi mi bumabumela hi mbilu ya mina hinkwayo!”

Emalembeni ma nga ri mangani lama hundzeke, Xalamuka! yi tshama yi bula hi ntlhontlho wa ku langutana ni ku feriwa hi loyi u n’wi rhandzaka. Endzhaku rungula rero ri pfuxetiwile ivi ri kandziyisiwa eka broxara leyi nge Loko U Feriwa Hi Loyi U N’wi Rhandzaka. Kumbexana wena kumbe un’wana loyi u n’wi tivaka, a nga chaveleriwa hi ku hlaya broxara leyi ya matluka ya 32. U nga kombela kopi hi ku tata ni ku rhumela xiphephana lexi nga laha hansi eka adirese leyi kombisiweke eka xona kumbe eka adirese leyi faneleke eka leti longoloxiweke eka tluka 5 ra magazini lowu.

◻ Ndzi rhumeleni kopi ya broxara leyi nge Loko U Feriwa Hi Loyi U N’wi Rhandzaka. Kombisa ririmi ra kona

◻ Ndzi kombela mi tihlanganisa na mina malunghana ni dyondzo ya le kaya ya mahala ya Bibele.