Lexi Vangaka Ku Hohloka Ka Mahanyelo

HI OCTOBER n’wexemu, mutsari wa le Loja, le Ecuador, u phofule marito yo tlangela vutirheli bya Timbhoni ta Yehovha. Swin’wana leswi a swi vuleke hi leswi:

“Nchumu wun’wana wo biha ngopfu lowu karhataka vanhu i ku hohloka ka mahanyelo . . . Swi vonaka onge vanhu va rivale ku hetisisa Milawu ya Khume naswona va honise mapfalo ya vona, leswi swi endleke leswaku va nga twisisani. Kun’wana ni kun’wana, siku ni siku, hi twa hi ta rivengo, madzolonga, vugevenga, ku ngungumerisiwa ka swidzidzirisi, vutherorisi ni ku nga xiximiwi ka munhu. . . .

“Timbhoni ta Yehovha, handle ko tinyungubyisa, ti endla ntirho wa tona hi ndlela yo rhula, ti endzela vaakelani va tona hi yindlu ni yindlu, ti va nyika timagazini ta tona timbirhi letinene, ku nga Xihondzo xo Rindza ni Xalamuka!, leti nga ni swihloko leswi tsakisaka. Xalamuka!, ngopfu-ngopfu hi yona leyi tameleke timhaka to tsakisa ta sayense ni ndhavuko, leti nga ntiyiso. Hinkwato ka tona ti tsariwe hi ndlela leyi twisisekaka ni leyi pakanisaka.”

Namuntlha timhaka ta mahanyelo a ti twisiseki, kambe, hilaha swi andlariweke hakona eka tluka 4 ra magazini lowu, exiyengeni lexi nge “Xivangelo Xa Ku Kandziyisiwa Ka Xalamuka!” Xalamuka! “yi lavisisa yi tlhela yi hlamusela leswi swiendlakalo leswi nga kona swi vulaka swona hakunene.” Broxara leyi nge Xana Xikwembu Xa Hi Khathalela Hakunene? yi hlamusela ku xaniseka loku vanhu va langutaneke na kona, kambe yi endla leswi engetelekeke. Yi kombisa xivangelo xa ku hohloka ka mahanyelo ni mimbuyelo ya kona leyi chavisaka. Xa nkoka ngopfu, yi paluxa ndlela leyi ha yona ntlhantlho wu nga ta fika ha yona hi ku hatlisa.

U nga kombela broxara leyi yi nga ni matluka ya 32 hi ku tata xiphephana lexi kutani u xi rhumela eka adirese leyi faneleke eka leti kombisiweke eka xona kumbe eka adirese leyi faneleke eka leti longoloxiweke eka tluka 5 ra magazini lowu.

□ Ndzi rhumeleni kopi ya broxara leyi nge Xana Xikwembu Xa Hi Khathalela Hakunene?

Kombisa ririmi ra kona

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.