Wa Kanakana Kambe Wa Ha Lavisisa

EPAPILENI leri yaka ehofisi ya rhavi ya Timbhoni ta Yehovha eSlovenia, wanuna loyi a vuleke leswaku i Murhoma Khatoliki la khuvuriweke, u endle xikombelo lexi: “Ndzi kombela mi ndzi rhumela kopi ya broxara leyi nge I Yini Leswi Xikwembu Xi Swi Languteleke Eka Hina? Ndzi nga tsakela ku tiva ni ndlela leyi ha yona ndzi nga kumaka magazini wa Xalamuka! minkarhi hinkwayo ekaya ra mina.”

Wanuna loyi u hlamuserile: “Ndzi kombela leswaku mi ndzi twisisa kahle. Ndza kanakana loko swi ta emhakeni ya vukhongeri, kambe ndzi sale ndzi hlamele ku hlamala loko ndzi hlaya Xalamuka! tanihi leswi yi nga vekiki timhaka hi ndlela leyi vonaka yi ri nawu, kambe yi hlamuselaka timhaka hi ku kongoma ni hi ndlela leyi dyondzisaka.” Kutani a kombetela eka magazini wa vukhongeri lowu dumeke, a vula leswaku wu phuntisa vanhu.

Wanuna loyi u hlamusele xivangelo lexi endleke leswaku a nga xi tati xiphephana lexi nga hala ndzhaku ka Xalamuka! a kombela broxara leyi nge Leswi Xi Swi Languteleke kambe a hlawule ku tsala papila. U te: “A ndzi nga swi lavi ku handzula magazini wa Xalamuka! A ndzi lava wu tshama wu nga handzukanga!”

Broxara leyi ya matluka ya 32 leyi nge I Yini Leswi Xikwembu Xi Swi Languteleke Eka Hina yi ni tidyondzo ta 16. Eka yona, ku buriwa hi tidyondzo ta xisekelo ta Bibele ku kombisa leswi hi faneleke hi swi endla leswaku Xikwembu xi ta hi amukela. Loko na wena u swi tsakela ku kombela kopi ya broxara leyi, tata xiphephana lexi kutani u xi rhumela eka adirese leyi kombisiweke eka xona kumbe eka adirese leyi faneleke eka leti nga eka tluka 5 ra magazini lowu.

□ Ndzi rhumeleni kopi ya broxara leyi nge I Yini Leswi Xikwembu Xi Swi Languteleke Eka Hina?

Kombisa ririmi leri u ri lavaka

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.

[Xifaniso lexi nga eka tluka 32]

Tikopi ta 113 wa timiliyoni hi tindzimi ta 240