Lexi Nga Pfunaka Loko U Feriwa Hi Loyi U N’wi Rhandzaka

Emalembeni lama hundzeke Timbhoni ta Yehovha ti kandziyise broxara leyi pfunaka ku langutana ni ntlhontlho wa rifu ra loyi u n’wi rhandzaka. Ka ha ku amukeriwa papila leri humaka eka muhlayi loyi a tlangelaka wa le Federal Republic ya Yugoslavia, la tsaleke a ku: “Ndzi lava ku mi nkhensa swi huma embilwini hikwalaho ka broxara leyi nge Loko U Feriwa Hi Loyi U N’wi Rhandzaka. Hakunene yi katsa vuxokoxoko hinkwabyo malunghana ni ku feriwa hi loyi u n’wi rhandzaka.”

Mutsari u hlamuserile: “Loko ndzi feriwe hi makwerhu emhangwini ya le patwini, broxara leyi yi ndzi nyike ‘nchavelelo wa xihatla.’ Xiyenge lexi nga eka tluka 18, lexi nge ‘Swiringanyeto Leswi Tirhaka,’ xi ve nchavelelo wa xiviri eka mina. Hambiswiritano, endzhaku ka mune wa tin’hweti ndzi sungule ku va ni gome swinene loko ndzi tsundzuka minkarhi leyi hundzeke. A ndzi chuhile, ndzi ehleketa leswaku mintlhaveko ya mina yi le ekhombyeni.

“Ndzi yi hlaye nakambe broxara leyi, naswona ebokisini leri nga eka tluka 9 ehansi ka xihloko lexi nge ‘Ndlela Ya Ku Rila,’ ndzi xiye leswaku minkarhi ya ku hlakarhela yi fambisana ni nhlomulo ni ku tsundzuka minkarhi leyi hundzeke. Hakunene ndzi chavelelekile. Ndzi khensa nsovo wa n’wina, lowu mi wu kombiseke hi broxara leyi.”

Kumbexana wena kumbe munhu loyi u n’wi tivaka mi ta tlhela mi kuma nchavelelo hi ku hlaya broxara leyi ya matluka ya 32. U nga ha kombela ku rhumeriwa kopi hi ku tata xiphephana lexi nga laha hansi ivi u xi rhumela eka adirese leyi kombisiweke eka xona kumbe eka adirese leyi faneleke eka leti xaxametiweke eka tluka 5 eka magazini lowu.

□ Ndzi kombela mi ndzi rhumela kopi ya broxara leyi nge Loko U Feriwa Hi Loyi U N’wi Rhandzaka.

Kombisa ririmi leri u ri lavaka.

□ Ndzi kombela mi ti hlanganisa na mina malunghana ni dyondzo ya Bibele ya mahala ya le kaya.