A Hi Ya Vana Va Malembe Ya Kondlo-a-ndzi-dyi Ntsena

Eka papila leri rhumeriweke ehofisini ya vulawuri ya Timbhoni ta Yehovha ePoland, Jolanta loyi a nga ni 25 wa malembe hi vukhale u hlamusele leswaku a a ri ni gome. U ni vugono lebyi n’wi endlaka leswaku a nga swi koti ku famba, naswona mana wakwe ni kokwa wakwe va file ku nga si hela tin’hweti ta tsevu havumbirhi bya vona. Kutani u sungule ku hlaya buku leyi nge Swivutiso Leswi Vantshwa Va Swi Vutisaka—Tinhlamulo Leti Tirhaka. U tsarile:

U te: “A ndzi ehleketa leswaku buku leyi yi kahle eka vana va malembe ya kondlo-a-ndzi-dyi ku nga ri eka mina. A ndzi be hansi! Loko ndzi dyondza tindzima 12 ku ya eka 16 ta buku leyi, ndzi kume tinhlamulo leti baka nhloko ya mhaka ta swivutiso swa mina, leswi nge: ‘Hikwalaho ka yini ndzi ri ni gome ni xivundza?’ ‘Ha yini ndzi nga tirhandzi?’ naswona ‘Hikwalaho ka yini ndzi khome hi gome lerikulu swonghasi endzhaku ka ku fa ka maxaka ya mina lama ndzi ma rhandzaka?’”

U ya emahlweni: “Tinhla timbirhi leti nga eka tluka 130 ti ndzi pfunile: ‘Ku tiva leswaku gome ra wena i ra ntumbuluko swa pfuna swinene leswaku u kota ku langutana ni xiyimo lexi u nga eka xona. Kambe loko hi ala ku amukela xiyimo lexi hi nga eka xona, swi endla leswaku gome ri tshama nkarhi wo leha.’ Ku hlaya marito lawa swi ndzi pfunile leswaku ndzi khomelela swi tiya eka ntshembo wa mina wa ku vona lava feke, sweswo swi endle leswaku ndzi va ni xikongomelo lexikulu evuton’wini.”

Loko u lava ku hlula gome ra wena ni ku va ni xikongomelo evuton’wini, hi tshemba leswaku na wena u ta vuyeriwa eka buku leyi nge Swivutiso Leswi Vantshwa Va Swi Vutisaka—Tinhlamulo Leti Tirhaka. Loko u lava ku rhumeriwa kopi ya buku leyi, tata xiphephana lexi kutani u xi rhumela eka adirese leyi kombisiweke laha hansi kumbe eka leyi faneleke eka leti xaxametiweke eka tluka 5 ra magazini lowu.

□ Ndzi kombela mi ndzi rhumela buku leyi nge Swivutiso Leswi Vantshwa Va Swi Vutisaka—Tinhlamulo Leti Tirhaka.

Kombisa ririmi leri u ri lavaka.

□ Ndzi kombela mi ti hlanganisa na mina mayelana ni dyondzo ya le kaya ya mahala ya Bibele.