Ntlhontlho wa Ku Kurisa Vana

Britain i tiko ra le Vupela-dyambu leri fuweke. Kambe, ku ringanyetiwe leswaku vana lava tlulaka 100 000, va baleka ekaya lembe ni lembe—nhlayo leyi yi phindheke kambirhi eka leyi vo tala a va yi tiva enkarhini lowu hundzeke. Hikwalaho ka sweswo, n’wana un’we eka va nkombo wa xanisiwa kumbe a pfinyiwa.

Ian Sparks, mukongomisi-nkulu wa Vandla ra Vana, u ri: “Loko vana va titwa va ri swavo naswona va nga rhandziwi, va nga ha vona ndlela yo antswa ku ri ku baleka ekaya. Mhaka leyi yi khumba vanhu va tinxaka hinkwato—ku baleka vana lava tshamaka etindhawini ta swigwili ni lava tshamaka etindhawini ta vanhu lava nga exiyin’weni xa le hansi.”

I ntirho lowukulu ku khathalela ni ku kurisa n’wana. Xana hi nga wu kuma kwihi mpfuno? Buku leyi nge Xihundla Xa Ntsako eNdyangwini yi endleriwe ku pfuna mindyangu. Eka tindzima ta yona ta 16, ku na ni swihloko leswi nge: “Letela N’wana Wa Wena Ku Sukela eVuhlangini,” “Pfuna N’wana Wa Wena Wa Kondlo-a-ndzi-dyi Leswaku A Endla Nhluvuko,” ni lexi nge “Sirhelela Ndyangu Wa Wena Eka Minkucetelo Leyi Onhaka.” Tindzima hinkwato ta 16 ta buku leyi ti ni xitsundzuxo lexi tirhaka, naswona xa nkoka ngopfu, ti tirhisa Bibele yi ri yona xihlovo xa vutlhari lebyi tlulaka bya hina.

U nga ha kombela buku leyi nge Xihundla Xa Ntsako eNdyangwini hi ku tata ni ku rhumela xiphephana lexi eka adirese leyi kombisiweke eka xona kumbe eka leyi faneleke eka leti longoloxiweke eka tluka 5 ra magazini lowu.

□ Ndzi kombela mi ndzi tisela buku leyi nge Xihundla Xa Ntsako eNdyangwini.

Kombisa ririmi leri u ri lavaka.

□ Ndzi kombela mi ti hlanganisa na mina malunghana ni dyondzo ya le kaya ya mahala ya Bibele.