Ndlela Leyi A Wineke Sagwadi Ro Sungula Ha Yona

Muntshwa un’wana u tsalele rhavi ra Timbhoni ta Yehovha ra le Lusaka, eZambia, a phofula ndlela leyi a tlangelaka Xalamuka! ha yona. U vule leswaku hikwalaho ka magazini lowu, u nyikiwe sagwadi ro sungula eka mphikizano wa ku tsala lowu a wu ngheneriwe hi swichudeni swa xikolo xa sekondari. Swichudeni a swi nyikiwe nhloko-mhaka leyi nge “Nyimpi Ya Le Mpfhukeni—Nchumu Lowukulu Ngopfu Lowu Dyaka Mali” naswona swi byeriwe leswaku swi ya endla vulavisisi hi mhaka leyi. Muntshwa loyi wa hlamusela:

“Ku nga ri kungani, ndzi kume nkandziyiso wa Xalamuka! ya September 8, 1992. Magazini lowu a wu tamele leswi a ndzi swi lava. Ndzi tlhele ndzi tshaha ni le minkandziyisweni yin’wana ya Xalamuka!” Sagwadi ro sungula leri xichudeni lexi xi ri kumeke a ri katsa ni cheke leyi ringanaka R675. Hi ku tlangela u ri: “Eka vo tala, Xalamuka! yi ve magazini wo wina masagwadi.”

Loko vanhu emisaveni hinkwayo va ehleketa hi leswi endliwaka le mpfhukeni—ku katsa ni makungu ya tihulumendhe ya ku sirhelela matiko ya tona leswaku ma nga hlaseriwi—van’wana va tivutisa loko yi ta kala yi va kona misava leyi nga riki na nyimpi. Xivutiso lexi, i xihloko xa broxara leyi nga ni matluka ya 32 leyi nyikelaka vumbhoni bya matimba bya leswaku misava yo tano yi ta va kona. Kambe yi ta tisa ku yini? naswona njhani?

Ha ku rhamba leswaku u hlaya broxara leyi nge Will There Ever Be a World Without War? U nga kombela broxara leyi hi ku tata xiphephana lexi kutani u xi rhumela eka adirese leyi kombisiweke eka xona kumbe eka adirese leyi faneleke eka leti longoloxiweke eka tluka 5 ra magazini lowu.

□ Ndzi kombela mi ndzi tisela broxara leyi nge Will There Ever Be a World Without War?

Kombisa ririmi leri u ri lavaka.

□ Ndzi kombela mi ti hlanganisa na mina malunghana ni dyondzo ya le kaya ya mahala ya Bibele.