Bulo Leri Haxiweke Eka Thelevhixini Malunghana Ni Timbhoni Ta Yehovha

Hi lembe ra 2000 ni ra 2001, Timbhoni ta Yehovha a ti hlaseriwa hi matimba etikweni ra Georgia, ku nga khale ka riphabliki ra Soviet Union. Xitichi xa thelevhixini lexi dumeke xa le Georgia xi haxe bulo leri veke kona exikarhi ka n’watipolitiki loyi a a lava leswaku Timbhoni ti yirisiwa swin’we ni profesa loyi a hlawuriweke hi huvo leswaku a kambisisa tibuku ta Timbhoni.

Loko a hlamula malunghana ni leswi tidyondzo ta Timbhoni ti hehliwaka ha swona, profesa loyi u vule leswaku leswi vuriwaka hi n’watipolitiki “a swi na xisekelo.” Kutani a ku: “Hi leswi leswi Timbhoni ta Yehovha ti swi kholwaka,” hiloko a tlakusa buku leyi nge Vutivi Lebyi Yisaka eVuton’wini Lebyi Nga Heriki leswaku vahlaleri va thelevhixini va yi vona.

Profesa loyi u sungule ku hlaya ndzimana yo sungula ya buku leyi, leyi gimetaka hi marito lama nge: “Hambi swi ri tano, eka vo tala swi tikomba onge vutomi byo va ntlhandlamano wa swiphiqo leswikulu. Loko sweswo swi ri tano eka wena, u nga heli mbilu.”

Buku leyi yi tirhisa Bibele ku hlamula swivutiso swo tala leswi vanhu va nga na swona. Hi xikombiso, tindzima ta yona tin’wana ti ri: “Xikwembu Xa Ntiyiso I Mani?” “Ha Yini Hi Dyuhala Hi Tlhela Hi Fa?” ni lexi nge “Ha Yini Xikwembu Xi Pfumelela Ku Xaniseka?”

Xana u nga swi tsakela ku kuma buku leyi ya matluka ya 192 leswaku u yi kambisisa hi wexe? U nga ha kombela kopi ya yona hi ku tata xiphephana lexi kutani u xi rhumela eka adirese leyi kombisiweke eka xona kumbe eka adirese leyi faneleke eka leti longoloxiweke eka tluka 5 ra magazini lowu.

□ Ndzi kombela mi ndzi rhumela buku leyi nge Vutivi Lebyi Yisaka eVuton’wini Lebyi Nga Heriki.

Kombisa ririmi leri u ri lavaka.

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.