‘Yi Ni Switshongo’

Hi yona ndlela leyi mukongomisi wa ndhawu leyi khathalelaka vanhu lava vabyelaka ku fa le Illinois, eU.S.A., a yi hlamuseleke ha yona broxara leyi nge Loko U Feriwa Hi Loyi U N’wi Rhandzaka. Broxara leyi ni timagazini ta Xalamuka! ti rhumeriwe eka yena hi Mbhoni ya Yehovha hikuva loko yi hlaya Xalamuka!, Mbhoni leyi yi kume leswaku nhlayo ya vantshwa lava tidlayaka yi le henhla swinene. Loko mukongomisi wa ndhawu leyi a kuma minkandziyiso leyi, u hlamule hi ku hatlisa.

Endzhaku ka loko mukongomisi wa ndhawu leyi a vone leswaku broxara leyi nge Loko U Feriwa Hi Loyi U N’wi Rhandzaka yi tamele switshongo, u tsale a ku: “Ndzi ta tsakela ku yi nyika . . . mindyangu leyi nga ta chaveleriwa hi vutlhari ni swikombo ni mabulo ya Bibele.”

Hi ku hatlisa Mbhoni leyi yi bele mukongomisi loyi riqingho kutani yi kombela ku hlangana na yena. Mukongomisi loyi u kombele tikopi ta 20 ta broxara leyi a tlhela a kombela leswaku va ta endhawini leyi endzhaku ka tin’hweti timbirhi ku ya eka tinharhu va tisa tin’wana loko leti ti hela.

Kumbexana wena kumbe un’wana loyi u n’wi tivaka u ta kuma nchavelelo eka broxara leyi ya matluka ya 32. U nga yi kombela hi ku tata xiphephana lexi nga laha kutani u xi rhumela eka adirese leyi kombisiweke eka xona kumbe eka adirese leyi faneleke eka leti longoloxiweke eka tluka 5 ra magazini lowu.

□ Handle ka nsindziso, ndzi kombela mi ndzi tisela broxara leyi nge Loko U Feriwa Hi Loyi U N’wi Rhandzaka.

Kombisa ririmi ra kona.

□ Ndzi kombela mi tihlanganisa na mina malunghana ni dyondzo ya mahala ya Bibele.