Leswi Vantshwa Va Swi Lavaka

I khale vahlayi lava nga vantshwa ni lava kuleke, va vula leswaku buku leyi nge Swivutiso Leswi Vantshwa Va Swi Vutisaka—Tinhlamulo Leti Tirhaka yi vulavula hileswi vantshwa va swi lavaka. Nhwanyana un’wana la nga emalembeni ya kondlo-a-ndzi-dyi wa le Sinaloa le Mexico, u kombele tikopi ta khume ta buku leyi, a kombelela vanghana vakwe. U vule leswaku hambileswi a nga riki Mbhoni ya Yehovha, wa yi tsakela swinene buku leyi, u te: “Ndza mi xixima swinene.”

U hlamuserile: “Ndzi ni vanghana vo tala lava nga ni swivutiso swo tala malunghana ni vutomi bya vona namuntlha. Ndzi va kombe buku leyi, va yi tsakele ngopfu. Buku leyi yi kahle swinene naswona yi tamele hinkwaswo leswi vantshwa va tsakelaka ku swi tiva.” U kombele leswaku loko swi koteka, buku leyi yi rhumeriwa xikolo xi nga si pfala.

Buku leyi nge Vantshwa Va Vutisa yi ni tindzima ta 39. Tin’wana ta tona ti ri: “Ndzi Nga Endlisa Ku Yini Leswaku Vatswari Va Mina Va Ndzi Nyika Ntshunxeko Lowu Engetelekeke?” “Ndzi Nga Va Endlisa Ku Yini Vanghana Va Xiviri Ke?” “Ku Vuriwa Yini Hi Rimbewu eMahlweni Ka Vukati?” ni leyi nge “Ndzi Swi Tivisa Ku Yini Loko Ri Ri Rirhandzu Ra Xiviri?” U nga ha kombela kopi ya buku leyi ya matluka ya 320 hi ku tata xiphephana lexi kutani u xi rhumela eka adirese leyi kombisiweke eka xona kumbe eka adirese leyi faneleke eka leti longoloxiweke eka tluka 5 ra magazini lowu.

□ Handle ka ku tiboha, ndzi kombela mi ndzi tisela buku leyi nge Swivutiso Leswi Vantshwa Va Swi Vutisaka—Tinhlamulo Leti Tirhaka.

Kombisa ririmi ra kona.

□ Ndzi kombela mi tihlanganisa na mina malunghana ni dyondzo ya mahala ya Bibele.