Ti Nga Chavelela Lava Feriweke

Wansati wa le Jalisco, eMexico, u tsalele rhavi ra Timbhoni ta Yehovha eMexico. U kombele, a ku: “Ndzi kombela mi ndzi rhumela tibroxara to hlayanyana leti nge Loko U Feriwa Hi Loyi U N’wi Rhandzaka. A ndzi Mbhoni ya Yehovha kambe ndza ti kholwa tidyondzo ta n’wina to tala.”

Mutsari u hlamusele xivangelo xa yena xo kombela tibroxara, a ku: “Ndzi lava tibroxara leti hikuva ndzi anakanya leswaku ti nga va chavelela van’wana lava xavaka exitolo xa hina xa swiluva. Ndzi vula lava taka va ta xava swiluva loko va feriwile, nkarhi wun’wana i nsati wa kona, i vana kumbe i nuna wa kona. Ndzi anakanya leswaku tibroxara leti ti nga va pfuna swinene.”

Kumbexana wena kumbe un’wana loyi u n’wi tivaka a nga kuma nchavelelo hi ku hlaya broxara leyi, leyi nga ni matluka ya 32. Yi hlamula swivutiso swo fana ni leswi nge: Xana ndzi nga langutana njhani ni gome ra mina? Xana van’wana va nga pfunisa ku yini? Hi wihi ntshembo hi lava feke?

U nga ha kombela kopi ya broxara leyi hi ku tata xiphephana lexi kutani u xi rhumela eka adirese leyi kombisiweke eka xona kumbe eka adirese leyi faneleke eka leti longoloxiweke eka tluka 5 ra magazini lowu.

□ Handle ka ku tiboha, ndzi kombela mi ndzi tisela broxara leyi nge Loko U Feriwa Hi Loyi U N’wi Rhandzaka.

Kombisa ririmi ra kona.

□ Ndzi kombela mi tihlanganisa na mina malunghana ni dyondzo ya mahala ya Bibele.