Hi Xihi Xikongomelo Xa Xikwembu Hi Hina?

◼ Xana a xi lava leswaku hi hanya malembe ma nga ri mangani emisaveni—malembe ya 70 kumbe 80—kutani hi fa? Xana i xikongomelo xa Xikwembu ku teka vanhu lavanene va ya hanya etilweni? Ha yini Xikwembu xi vumbe misava? Xana a yi fanele yi va kaya ra xinkarhana ra vanhu?

Broxara ya matluka ya 32 leyi nge, Tsakela Vutomi eMisaveni Hi Masiku! yi kombisa leswaku Xikwembu xi endle misava leswaku yi va kaya ra vanhu hilaha ku nga heriki. Misava ya hina yi endliwe hi ndlela ya leswaku, loko yi khathaleriwa kahle, yi va paradeyisi yo saseka. Swihloko leswi kumekaka eka broxara leyi, lexi nge, “Hikwalaho ka Yini Munhu a Fa?” ni lexi nge “Rifu I Yini ke?” swi nyikela swivangelo swa kona, naswona lexi nge “Yehova u hi Nyika Muponisi” ni lexi nge “Ndlela leyi Hi Ponisiweke ha Yona eka Xidyoho ni Rifu” swi kombisa ndlela leyi ha yona misava yi nga ta va kaya ra vanhu leri nga paradeyisi yo saseka.

Broxara leyi yi ni swifaniso leswi tlulaka 75, naswona ehansi ka xifaniso ha xin’we ku tsariwe ndzimana yin’we kumbe to tala. U nga kota ku bula hi xifaniso lexi hi ku tirhisa matsalwa lawa. Loko u ri ni vana, u nga tirhisa swifaniso leswi ku va pfuna leswaku va dyondza hi ta swikongomelo swa Xikwembu.

Leswaku u kuma broxara leyi, hi kombela u tata xiphephana lexi kutani u xi rhumela eka adirese leyi kombisiweke kumbe eka adirese leyi faneleke eka leti longoloxiweke eka tluka 5 ra magazini lowu.

□ Handle ka ku tiboha, ndzi kombela mi ndzi tisela broxara leyi nge, Tsakela Vutomi eMisaveni Hi Masiku! Kombisa ririmi ra kona.

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.