Siku Ra Nkoka Swinene eMatin’wini

I siku leri Yesu Kreste a feke ha rona. Ha yini rifu ra Yesu a ri ri ra nkoka swonghasi? Ku ni swivangelo swo hlayanyana.

Ku tshembeka ka Yesu ku fikela loko a fa swi tiyisekisa leswaku vanhu va nga swi kota ku tshama va tshembekile eka Xikwembu.

Rifu ra Kreste ri tlhela ri nyika vanhu van’wana lunghelo ro fuma na yena etilweni. Tlhandlakambirhi, ri pfulele vanhu vo tala ndlela yo kuma vutomi lebyi nga heriki emisaveni leyi nga paradeyisi.

Eka madyambu ya rifu rakwe, Yesu u tirhise xinkwa lexi nga riki na comela ni vhinyo yo tshwuka tanihi swifanekiselo swa xitlhavelo xakwe xa rirhandzu xa vumunhu. Naswona u byele vadyondzisiwa va yena a ku: “Tshamani mi ri karhi mi endla leswi leswaku mi ndzi tsundzuka.” (Luka 22:19) Xana u ta xi tsundzuka xiendlakalo lexi xa nkoka?

Timbhoni ta Yehovha ta ku rhamba hi malwandla leswaku u hlanganyela na tona eku tlangeleni ka Xitsundzuxo xa rifu ra Yesu. Nan’waka ri ta tlangeriwa hi Ravunharhu, April 12, endzhaku ka ku pela ka dyambu. U nga ya eHolweni ya Mfumo leyi nga ekusuhi ni kaya ra wena. Hi kombela u tihlanganisa ni Timbhoni ta Yehovha ta kwalaho malunghana ni nkarhi ni ndhawu leyi xitsundzuxo xi nga ta khomeriwa eka yona.