“A Ndzi Nga Lavi Ni Ku Yi Veka Ehansi”

◼ N’wexemu ku humesiwe buku leyintshwa ya matluka ya 224, leyi nga ni swifaniso swo saseka naswona yi endleriweke ku dyondzisa tidyondzo ta xisekelo ta Bibele, yi humesiwe emintsombanweni ya Timbhoni ta Yehovha emisaveni hinkwayo. Buku leyi yi ni xihloko lexi nge Xana Bibele Yi Dyondzisa Yini Hakunene?

Un’wana loyi a yi hlayeke u tsale a ku: “A ndzi nga lavi ni ku yi veka ehansi. Buku leyi yi hlengelete tindlela letinene to dyondzisa leti kumekaka eka tibuku hinkwato leti ndzi tshameke ndzi ti hlaya kutani yi ti hlanganisa eka matluka ma nga ri mangani.”

Muhlayi un’wana u te: “Tluka rin’wana ni rin’wana ri ku khutaza ku ya emahlweni u hlaya. Ndzi tsakela ni ndlela leyi ndzima yin’wana ni yin’wana yi swi hlamuselaka ha yona leswi nga ta landzela loko yi hela. Ku ni swiga swo tala leswi endleke ndzi khavaxela ni mihloti. Ku ni swo tala leswi ndzi swi tsakelaka hi buku leyi lerova ndzi nga tsala buku mayelana na swona!”

Un’wana nakambe loyi a tsakeleke buku leyi u te: “I ntiyiso leswaku buku leyi i ya risima swinene hi tlhelo ra moya, naswona yi ta va xitirhisiwa xa kahle swinene eku dyondziseni ka vanhu lava lavaka ku dyondza ntiyiso.”

Buku leyi nge Xana Bibele Yi Dyondzisa Yini Hakunene? se ya kumeka loko u endla xikombelo, yi kumeka hi tindzimi to tlula 140. U nga ha kombela kopi hi ku tata xiphephana lexi nga laha hansi kutani u xi rhumela eka adirese leyi kombisiweke kumbe adirese leyi faneleke eka leti nga eka tluka 5 ra magazini lowu.

□ Handle ka ku tiboha, ndzi kombela kopi ya buku leyi nge Xana Bibele Yi Dyondzisa Yini Hakunene?

Kombisa ririmi ra kona.

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.