Xana Swi Nga Koteka Ku Kuma Ntsako eNdyangwini?

N’wexemu manana un’wana la ha riki muntshwa u tsalele hofisi ya rhavi ra Timbhoni ta Yehovha eMexico, a kombela mpfuno wo kuma ntsako endyangwini. U vule leswaku u swi tsakerile ku hlaya magazini wa Xalamuka! kutani a ku:

“Ndzi ni malembe manharhu ndzi tekiwile, naswona ndzi tsakela ku kuma xitsundzuxo ni swiringanyeto swo va ni ndyangu lowu tsakeke. Mina ni nuna wanga hi kume n’wana wo saseka wa mufana emalembeni mambirhi lama hundzeke, naswona ndzi lava ku n’wi kurisa kahle.”

Manana loyi u twile hi ta buku leyi nge Xihundla Xa Ntsako eNdyangwini, kutani u tsale papila a kombela buku leyi. Van’wana va magidi va endle leswi fanaka. Endzhaku ko yi hlaya, vanhu vo tala va vule leswaku ya pfuna swinene. Tin’wana ta tindzima leti pfunaka swinene ebukwini leyi hi leti nge “Letela N’wana Wa Wena Ku Sukela eVuhlangini,” “Sirhelela Ndyangu Wa Wena Eka Minkucetelo Leyi Onhaka,” ni lexi nge “Hlayisa Ku Rhula eNdyangwini Wa Wena.”

U nga ha kombela kopi ya buku leyi nge Xihundla Xa Ntsako eNdyangwini hi ku tata xiphephana lexi nga laha kutani u xi rhumela eka adirese leyi kombisiweke eka xona kumbe eka leyi faneleke eka leti longoloxiweke eka tluka 5 ra magazini lowu.

□ Handle ka ku tiboha, ndzi kombela kopi ya buku leyi nge Xihundla Xa Ntsako eNdyangwini.

Kombisa ririmi ra kona.

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.