Ku Pfuna Muntshwa La Xanisekaka

SIBIA, nhwanyana wa malembe ya 13 la nghenaka xikolo eMexico, a a tala ku vona nhwanyana un’wana la dyondzaka na yena xikolo a fika exikolweni a ri karhi a rila. U ringete ku n’wi chavelela. Siku rin’wana nhwanyana loyi u byele Sibia leswaku tata wakwe i xilovekelo naswona u ba mana wakwe.

Sibia u rungula mhaka leyi: “U ndzi byele leswaku a nga swi lavi ku hanya, nileswaku u tshame a ringeta ku tidlaya. U vule leswaku a nga kona loyi a n’wi rhandzaka nileswaku u titwa a ri ni xivundza. Ndzi n’wi byele leswaku ku ni Un’wana loyi a n’wi rhandzaka ngopfu, ku nga Munhu wa nkoka ku tlula hinkwavo emisaveni. Kutani ndzi n’wi hlamusele xikongomelo xa Yehovha hi vanhu.”

Hi ku famba ka nkarhi Sibia u nyike nhwanyana loyi buku leyi nge Swivutiso Leswi Vantshwa Va Swi Vutisaka—Tinhlamulo Leti Tirhaka kutani a sungula ku yi dyondza na yena siku ni siku hi nkarhi wa ku wisa exikolweni. Hakatsongo-tsongo nhwanyana luya u sungule ku cinca, a tshika vutomi byo tshama yexe kutani a vulavula ni ku hleka ni van’wana. Loko a tsalela Sibia, nhwanyana loyi u te: “Ndza byi tlangela vunghana bya wena ni ku ndzi twisisa. U fana ni sesi wa mina loyi ku nga khale ndzi n’wi lava. Sweswi ndza swi tiva leswaku u kona loyi a ndzi khathalelaka—i Yehovha.”

Kumbexana u tiva muntshwa loyi a nga pfuniwaka hi buku leyi nge Vantshwa Va Vutisa. Tindzima ta yona ta 39 ti katsa ni leti landzelaka: “Ndzi Nga Va Endlisa Ku Yini Vanghana Va Xiviri Ke?,” “Ku Vuriwa Yini Hi Rimbewu eMahlweni Ka Vukati?,” ni leyi nge “Ndzi Swi Tivisa Ku Yini Loko Ri Ri Rirhandzu Ra Xiviri?” U nga ha kombela buku leyi hi ku tata xiphephana lexi kutani u xi rhumela eka adirese leyi kombisiweke eka xona kumbe eka adirese leyi faneleke eka leti longoloxiweke eka tluka 5 ra magazini lowu.

□ Handle ka ku tiboha, ndzi kombela mi ndzi tisela buku leyi kombisiweke laha.

Kombisa ririmi ra kona.

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.