Vukati Bya Vona Byi Ponisiwile

Laha Afrika Dzonga, muthori un’wana u xiye leswaku Bella, un’wana wa vatirhi vakwe, a a ri ni swiphiqo swa vukati. Hiloko muthori a kombela Thandi, loyi a nga Mbhoni ya Yehovha leswaku a bula na Bella. Thandi u kume leswaku Bella u endle xiboho xa ku dlaya vukati.

Thandi u nyike Bella tikopi timbirhi ta buku leyi nge, Xihundla Xa Ntsako eNdyangwini a tlhela a n’wi khutaza ku nyika nuna wakwe leyin’wana. Bella u endle tano. Endzhaku ka vhiki Thandi u kume leswaku nuna wa Bella a a ri eku hlayeni ka buku leyi nileswaku vutomi bya ndyangu wakwe se bya antswa. Endzhaku ka tin’hweti tinharhu Bella u byele Thandi leswaku Xikwembu xi ponise vukati bya vona hi xikhongelo ni hi buku leyi nge Ntsako eNdyangwini. Kambe, ntokoto lowu a wu helelanga kwalaho.

Loko muthori wa Bella a twa leswi swi endlekeke, u bumabumele leswaku vatirhi hinkwavo va kuma buku leyi. Eku heteleleni, ku fambisiwe kwalomu ka 100 wa tibuku leti nge Ntsako eNdyangwini, ti nyikiwa vanhu lava tirhaka eka khampani yoleyo. Tin’wana ta tindzima leti dyondzisaka ta buku yoleyo hi leti nge “Loko Vukati Byi Ri eKusuhi Ni Ku Fa,” “Sirhelela Ndyangu Wa Wena Eka Minkucetelo Leyi Onhaka,” ni leyi nge “Hlayisa Ku Rhula eNdyangwini Wa Wena.”

U nga ha kombela kopi ya buku leyi nge Xihundla Xa Ntsako eNdyangwini hi ku tata xiphephana lexi nga laha kutani u xi rhumela eka adirese leyi kombisiweke eka xona kumbe eka adirese leyi faneleke eka leti longoloxiweke eka tluka 5 ra magazini lowu.

□ Handle ka ku tiboha, ndzi kombela mi ndzi tisela buku leyi kombisiweke laha. Kombisa ririmi ra kona.

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.