Xiendlakalo Lexi U Nga Fanelangiki U Xi Kayela

“Tshamani mi ri karhi mi endla leswi leswaku mi ndzi tsundzuka.” Marito wolawo ya Hosi ya hina Yesu Kreste, lama kumekaka eka Luka 22:19, u ma vule hi nkarhi lowu a a simeka Xitsundzuxo xa rifu rakwe. I rifu ra Yesu leri nyikeke vanhu ntshembo wa ku kuma vutomi lebyi nga heriki eParadeyisini. Xisweswo hi fanele hi ri tsundzuka rifu rakwe.

Xana u ta va kona eXitsundzuxweni xa rifu rakwe nan’waka?

Timbhoni ta Yehovha ta ku rhamba leswaku u hlanganyela na tona exitsundzuxweni xa xiendlakalo lexi xo hlawuleka. Xitsundzuxo lexi xi ta khomiwa endzhaku ka ku pela ka dyambu hi siku leri fambisanaka na Nisani 14 eka khalendara ya tin’hweti ta Bibele. Nan’waka siku leri i Musumbhunuku, April 2. Timbhoni ta Yehovha ta kwalaho ti nga ku byela ndhawu ni nkarhi lowu kongomeke lowu xitsundzuxo lexi xi nga ta khomiwa ha wona endhawini ya ka n’wina.