“Buku Leyinene Ngopfu Yo Dyondzisa!”

Marito lawa ma tsariwe hi mutirheli wa nkarhi hinkwawo la nga Mbhoni ya Yehovha ePanama malunghana ni buku leyi nge, Xana Bibele Yi Dyondzisa Yini Hakunene?—leyi nga ni swifaniso swa mivala, ni matluka ya 224 leyi sweswi yi tirhisiwaka emisaveni hinkwayo ku dyondzisa vanhu Bibele. U tsale a ku: “Yi ba nhloko ya mhaka, rungula ra yona ri landzelana kahle naswona yi veka timhaka hi ndlela leyi khorwisaka. Ndlela leyi swikombo ni swiengetelo swi vekiweke kahle ha yona swi ku khutaza leswaku u endla vulavisisi.”

Mudyondzisi wa Bibele wa le Missouri, eU.S.A., u ri: “Ndzi rhandza ndlela yo olova leyi yi tsariweke ha yona. Timhaka ti andlariwe hi ndlela leyi landzelelanaka kahle swinene.” Loko buku leyi ya ha ku huma, mudyondzisi loyi u yi helekete eka wansati un’wana loyi a nga tshama a ringeta ku dyondza Bibele kambe a tsandzeka ku ya emahlweni.

Mudyondzisi loyi u te: “A a nga si heta ni ndzima yo sungula loko a ba riqingho a ndzi byela leswaku u yi tsakela ngopfu.” Wansati loyi u vule leswaku a a twa onge buku leyi yi tsaleriwe yena naswona a a lava ku tlhela a ya emahlweni ni dyondzo yakwe ya Bibele. Mudyondzisi loyi u vule leswaku loko va heta ku dyondza tindzima ta khume leto sungula, a swi tsakisa ku vona ndlela leyi xichudeni lexi a xi tsake ha yona.

Hambileswi buku leyi nge, Leswi Bibele Yi Swi Dyondzisaka, yi nga si hlanganisaka ni malembe mambirhi yi ri kona, se ku kandziyisiwe tikopi ta yona leti tlulaka 50 wa timiliyoni hi tindzimi leti tlulaka 150. U nga ha kombela ya wena hi ku tata xiphephana lexi kutani u xi rhumela eka adirese leyi kombisiweke kumbe eka adirese leyi faneleke eka leti longoloxiweke eka tluka 5 ra magazini lowu.

□ Handle ka ku tiboha, ndzi kombela mi ndzi tisela buku leyi kombisiweke laha.

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.