“Yi Fike Hi Nkarhi!”

Marito lawa ma vuriwe hi manana un’wana wa le Italiya endzhaku ko kuma buku leyi nge, Dyondza Eka Mudyondzisi Lonkulu. U te: “A ndzi xiririka mihloti hi ku tsaka.” Loko a vulavula hi n’wana wakwe, u te: “A nga si swi kota ku hlaya, kambe hi ku pfuniwa hi swifaniso swa yona, u titsundzuka kahle tinhla-nkulu. U yingisela hi vurhon’wana hikuva yi tsariwe hi ndlela leyi endlaka onge yi le ku vulavuleni ni muhlayi, kutani na yena u pfa a vula swo karhi. Ku hava nyiko yo tlula leyi.”

Tatana un’wana wa le Italiya u vule leswaku yena ni nsati wakwe a va nga swi tivi leswaku va ta ti hlamusela njhani timhaka ta rimbewu eka n’wana wa vona wa mufana. Va te: “Loko ku humesiwa buku leyi leyintshwa, hi swi vonile leswaku Xikwembu xi ku vonile ku karhateka ka hina. Endzhaku ko yi kambisisa, hi xiye leswaku buku leyi leyintshwa yi ta pfuna n’wana wa hina ku ehleketisisa ni ku tirhisa matimba yakwe ya ku anakanya.”

Muntshwa un’wana wa le Japani, loyi a tshameke a pfinyiwa loko a ha ri ntsongo, u tsale marito lama landzelaka yo tlangela buku leyi: “Ndzi rile ngopfu naswona ndzi nkhensa Yehovha ndzi nga heti. Buku leyi yi bula hi ku kongoma ni hi ndlela leyi pakanisaka hi swilo leswi vana va langutanaka na swona eminkarhini leyi yo homboloka. Swivutiso leswi swi khutaza n’wana leswaku a phofula ta le mbilwini. Ndzima 32 ya pfuna hakunene eku sirheleleni ka vana eka vanhu lavakulu lavo homboloka! Loko buku leyi a yi kumeke emalembeni ya 20 lama hundzeke a ndzi ta va ndzi hanye vutomi bya mina hi ndlela yin’wana, hikwalaho ka ndlela leyi buku yi vekaka timhaka hi ku kongoma naswona yi dyondzisaka hi ndlela leyinene ha yona.”

U nga ha kuma buku leyi ya matluka ya 256, leyi nga ni swifaniso swo saseka, leyi ku leha ni ku anama ka yona yi ringanaka ni magazini lowu. Hi kombela u tata xiphephana lexi kutani u xi rhumela eka adirese leyi kombisiweke eka xona kumbe eka adirese leyi faneleke eka leti longoloxiweke eka tluka 5 ra magazini lowu.

□ Handle ka ku tiboha, ndzi kombela mi ndzi rhumela buku leyi kombisiweke laha.

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.