Buku Ya Vanhu Hinkwavo

I buku yihi leyi u ehleketaka leswaku yi faneriwa hi ku vitaniwa tano? Wansati un’wana wa le Colorado, eU.S.A., u kume broxara leyi nge Buku Ya Vanhu Hinkwavo, leyi hlamuselaka leswi Bibele yi swi tameleke nileswaku ha yini yi ri buku ya nkoka leyi un’wana ni un’wana a faneleke a yi hlaya namuntlha. U tsale xipapilana xo nkhensa broxara leyi, a ku:

“Ndzi yi tsakerile. Ndzi yi hlaye hinkwayo. A ndzi swi kotanga ku yi veka ehansi. Yi hlamusela tinhla hinkwato leti humaka eRitweni ra Xikwembu, yi yi hlamusela kahle ndlela leyi Bibele ni sayense swi pfumelelanaka ha yona. Yi hlamusela ndlela leyi Bibele yi hundzuluxeriweke ha yona leswaku vanhu hinkwavo va kota ku yi hlaya ni ndlela leyi yi poneke ha yona.”

Hakunene, Bibele i buku yo hlamarisa swinene leyi tshameke yi tsariwa, naswona vanhu vo tala va na yona ku tlula buku yihi ni yihi ematin’wini. Hambileswi Bibele yi hetiweke ku tsariwa kwalomu ka malembe ya 2 000 lama hundzeke, ya pakanisa eka timhaka ta sayense naswona leswi yi swi dyondzisaka swa ha pfuna vanhu ninamuntlha.

U nga ha kombela broxara leyi ya matluka ya 32 hi ku tata xiphephana lexi kutani u xi rhumela eka adirese leyi kombisiweke laha kumbe eka leyi faneleke eka leti longoloxiweke eka tluka 5 ra magazini lowu.

□ Handle ka ku tiboha, ndzi kombela mi ndzi rhumela broxara leyi kombisiweke laha.

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.