Xiendlakalo Xa Nkoka Swinene eMatin’wini

XIENDLAKALO xa kona a ku ri rifu ra Yesu Kreste. Ha yini ri ri ra nkoka?

Ri lwele ku lulama ka Xikwembu, ri kombisa leswaku munhu a nga swi kota ku tshembeka hi ku hetiseka eka Xikwembu.

Ri endle leswaku vanhu va va ni ntshembo wa ku kuma vutomi lebyi nga heriki emisaveni leyi nga Paradeyisi.

Yesu hi byakwe u sungule xitsundzuxo xa rifu rakwe hi vusiku bya le mahlweni ka siku leri a feke ha rona. A wu ri nkhuvo wo olova. Enkhubyeni wolowo, Yesu u byele vadyondzisiwa va yena a ku: “Tshamani mi ri karhi mi endla leswi leswaku mi ndzi tsundzuka.”—Luka 22:19, 20.

Xana u ta n’wi tsundzuka?

Timbhoni ta Yehovha ta ku rhamba leswaku u ya hlanganyela na tona loko ti tsundzuka xiendlakalo lexi xa nkoka swinene ematin’wini. Lembe leri xi ta va hi Mugqivela, March 22, loko dyambu se ri perile. Hi kombela u ya eHolweni ya Mfumo ya le ndhawini ya ka n’wina leswaku u ya kumisisa nkarhi lowu xi nga ta khomiwa ha wona swin’we ni ndhawu leyi xi nga ta khomeriwa eka yona. A ku komberiwi minyikelo naswona vaendzi va amukeriwa hi malwandla leswaku va ta yingisa nkulumo leyi dyondzisaka va tlhela va hlalela leswi nga ta endliwa.