‘Buku Leyi Nga Ni Tidyondzo Leti Pfunaka’

● Mpatswa wun’wana wa le New Hampshire, le U.S.A. wu tsale wu ku: “Ha mi tlangela swinene hikwalaho ka swihloko swo tala leswi mi swi tsalelaka hina lava kurisaka vana. Hi ni xinhwanyetana xa malembe ya mune lexi vuriwaka Sophia, naswona hi titwa onge hi nyikiwa swiletelo leswi hi pfunaka ku dzikisa tidyondzo ta nkoka emiehleketweni ni le mbilwini ya xona sweswi tanihi leswi xa ha dyondzaka vutshila byo tala bya vutomi.”

Papila ra vona ri ya emahlweni ri ku: “Buku leyi nge Dyondza Eka Mudyondzisi Lonkulu yi ni tidyondzo leti pfunaka xinhwanyetana xa hina swin’we na hina. A hi nga si tshama hi vona swifaniso swo saseka ngopfu swa Paradeyisi ku fana ni leswi nga eka ndzima yo hetelela ya yona! Xinhwanyetana xa hina xi tshamela ku swi langutisa naswona sweswo swi xi pfuna ku dyondza hi ta switshembiso swa le Bibeleni.”

Ndzima yo hetelela ya buku leyi nge Dyondza Eka Mudyondzisi Lonkulu leyi nga ni nhloko-mhaka leyi nge “Misava Leyintshwa Ya Xikwembu Ya Ku Rhula—Lexi Lavekaka Leswaku U Hanya Eka Yona,” yi swi kombisa kahle switshembiso swa Xikwembu hilaha swi tsariweke hakona eRitweni ra xona, ku nga Bibele.

U nga kombela buku leyi, leyi nga ni matluka ya 256, lama mpimo wa wona wu ringanaka ni wa magazini lowu. Leswi lavekaka i ku tata xiphephana lexi kutani u xi rhumela eka adirese leyi kombisiweke eka xona kumbe eka leyi faneleke eka leti longoloxiweke eka tluka 5 ra magazini lowu.

□ Ndzi kombela mi ndzi rhumelela kopi ya buku leyi kombisiweke laha.

Tsala ririmi ra kona.

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.

[Xifaniso lexi nga eka tluka 32]

Xifaniso lexi xi le ka tluka 254 ra buku leyi