Xuma Xa Vadyondzi Va Bibele

● Broxara leyi nge “Vona Tiko Lerinene” yi tikombise yi ri xuma xexo. Yi ni mimepe yo tala ya mivalavala ni swinepe swa tindhawu leti swiendlakalo swa nkoka swa matimu ya Bibele swi endlekeke eka tona ku ringana nkarhi lowu tlulaka malembe ya 2 000. Nakambe yi ni xinepe xa marhumbi ya muti wa khale wa Bera-xeba, laha Abrahama a a tshama kona ni xa gondzo ra le Rhoma leri kumbexana vadyondzisiwa va Kreste va fambeke eka rona eku heleni ka lembe-xidzana ro sungula C.E.

Vahlayi vo tala va tibuku ta hina va nkhense swinene hikwalaho ka broxara leyi. Un’wana wa vona u tsale a ku: “Ndza nkhensa swinene. I khale swinene ndzi navela ku vona hi mahlo ya mianakanyo tiko leri vapatriyaka na Yesu va tshameke eka rona.” Un’wanyana u te: “I nchumu lowu a ndzi wu lava ku sukela khale. Wu endla leswaku rungula leri nga eBibeleni ri hanya.”

U nga kombela broxara leyi ya matluka ya 36 hi ku tata xiphephana lexi nga laha hansi kutani u xi rhumela eka adirese leyi kombisiweke eka xona kumbe eka leyi faneleke eka leti longoloxiweke eka tlula 5 ra magazini lowu. Broxara leyi yi kumeka hi tindzimi ta 79 naswona se ku kandziyisiwe tikopi ta yona ta kwalomu ka khume wa timiliyoni.

□ Ndzi kombela mi ndzi rhumelela broxara leyi kombisiweke laha.

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.

[Xifaniso lexi nga eka tluka 32]

Muti wa khale wa Bera-xeba

[Xifaniso lexi nga eka tluka 32]

Gondzo ra le Rhoma

[Laha Swifaniso Swi Humaka Kona eka tluka 32]

Beer-sheba, Roman road, and brochure cover: Pictorial Archive (Near Eastern History) Est.