“Ndza Nkhensa Leswi U Ndzi Kombeke Tatana Loyi A Nga Ni Rirhandzu”

● Nhwanyana wa le dzongeni wa United States la nga ni malembe ya 19 u tsarile: “Ndzi kulele endyangwini wa vanhu lava nghenaka kereke naswona a ndzi tiva leswaku Kreste i Muponisi wa mina. Kambe ku hundze malembe yo tala ndzi ri karhi ndzi hanya hi ku chava vukarhi bya Xikwembu byo avanyisa hi ku hisiwa etiheleni leti chavisaka. Kutani ndzi sungule ku hlaya buku ya n’wina leyi nge Xana Bibele Yi Dyondzisa Yini Hakunene?

“Endzhaku ko hlaya tindzima ti nga ri tingani, ndzi titwe ndzi chavelelekile swinene. A ndzi tsakile swinene. Sweswi ndza swi vona leswaku Yehovha i Xikwembu xa rirhandzu, musa ni tintswalo. U lava leswaku ndzi va ni vuxaka na yena naswona ndzi nga n’wi chavi. Ndzi hlele ku ya eHolweni ya Mfumo ya Timbhoni ta Yehovha hi Sonto! Ndzi tsake ngopfu. Ndza nkhensa leswi u ndzi kombeke Tatana loyi a nga ni rirhandzu, ku nga ri loyi a endleke tihele.”

Buku leyi nge Leswi Bibele Yi Swi Dyondzisaka yi tlhela yi vulavula hi tinhloko-mhaka tin’wana ta nkoka. Leti katsaka xiyimo xa vafi, ntshembo wa ku pfuxiwa ka lava feke, ndlela yo antswisa vutomi bya ndyangu, ku hambana exikarhi ka Xikwembu na Yesu Kreste ni leyi nge ha yini Xikwembu xi pfumelela ku xaniseka. Loko u lava kopi ya buku leyi kombisiweke laha, hi kombela u tata xiphephana lexi kutani u xi rhumela eka adirese leyi faneleke eka leti longoloxiweke eka tluka 5 ra magazini lowu.

□ Ndzi kombela mi ndzi rhumela kopi ya buku leyi kombisiweke laha.

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.