Bibele Xana Wa Ri Tiva Rungula Ra Yona?

● Bibele i buku leyi hangalasiweke ku tlula yihi na yihi ematin’wini. Vanhu va mindhavuko hinkwayo va kume leswaku rungula ra yona i xihlovo xa nchavelelo ni ntshembo naswona ndzayo ya yona ya pfuna eka vutomi bya siku ni siku. Kambe vanhu vo tala a va tivi swo tala hi buku leyi.

Broxara leyi tsakisaka swinene ni leyi nga ni swifaniso leswi kokaka rinoko leyi nge Bibele—Yi Tamele Rungula Rihi? yi nga ku pfuna leswaku u twisisa Bibele. Swiyenge swa yona swimbirhi swo sungula swi hlamusela paradeyisi leyi Xikwembu xi yi nyikeke vanhu ni ndlela leyi yi lahlekeke ha yona. Loko yi ya emahlweni, yi vulavula hi xikongomelo xa Xikwembu lexi khumbaka Mfumo wa xona lowu Hosi ya wona ku nga Yesu Kreste.

Swiyenge leswi landzelaka swi vulavula hi Yesu—vutirheli byakwe, masingita lawa a ma endleke, rifu rakwe ni ku pfuxiwa kakwe. Yi tlhela yi vulavula ni hi xivindzi lexi valandzeri va Yesu vo sungula a va ri na xona ni hi leswi va huhuteriweke ku swi tsala, leswi na swona swi katsiweke eBibeleni leyi hi nga na yona namuntlha.

Kutani a swi hlamarisi leswi swiyenge leswi swa 26 swi gimetaka hi nhloko-mhaka yo tsakisa leyi nge “Misava Yi Ta Va Paradeyisi!” Tluka 31 ri ni nhloko-mhaka leyi nge “Rungula Ra Bibele—Nkatsakanyo.” Kwalaho u ta hlaya hi swilo swa nkombo leswi khumbaka xikongomelo xa Xikwembu hi vanhu.

Leswaku u kuma kopi ya broxara leyi, leyi nga ni matluka ya 32, hi kombela u tata xiphephana lexi kutani u xi rhumela eka adirese leyi faneleke eka leti longoloxiweke eka tluka 5 ra magazini lowu.

□ Ndzi kombela mi ndzi tisela broxara leyi kombisiweke laha

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.