‘Swilo Swo Sungula A Swi Nge Ti eMbilwini’

Muvumbi wa hina u vule leswi a nga ta swi endla ku nga ri khale. U te:

“Hikuva ndzi tumbuluxa matilo lamantshwa ni misava leyintshwa; swilo swo sungula a swi nge tsundzukiwi, hambi embilwini a swi nge ti.”—ESAYA 65:17.

Hi swihi ‘swilo swo sungula leswi nga taka swi nga ti embilwini’? Mongo wu kombisa leswaku i ku kala ka vululami, mavabyi, ku xaniseka ni maxangu man’wana yo tala lama cinisaka vanhu hinkwavo gija. Xana maxangu lawa ma ta hela njhani? Nhlamulo yi titshege hi “matilo lamantshwa” ni “misava leyintshwa” leswi ku profetiweke ha swona.

Swiga leswi, leswi kokaka rinoko swin’we ni nkoka wa swona swi ta hlamuseriwa eka nkulumo ya le rivaleni leyi nge, ‘Swilo Swo Sungula A Swi Nge Ti eMbilwini.’ Nkulumo leyi yi ta nyikeriwa eNtsombanweni wa Muganga wa Timbhoni ta Yehovha lowu nge “Hlayisa Mbilu Ya Wena!” lowu nga ta sungula hi May le United States ivi wu ya emahlweni emisaveni hinkwayo.

Wa rhambiwa leswaku u va kona entsombanweni lowu nga ta khomiwa ekusuhi ni laha u tshamaka kona. Loko u lava vuxokoxoko byo karhi, tihlanganise ni Timbhoni ta Yehovha ta le ndhawini ya ka n’wina kumbe u tsalela vakandziyisi va magazini lowu. Web site ya www.jw.org yi longoloxe tindhawu hinkwato leti ntsombano lowu wu nga ta khomeriwa eka tona ni masiku ya kona.