Leswi Vana Va Swi Lavaka Eka Vatswari Va Vona

Namuntlha vana va vona madzolonga yo tala swinene swin’we ni mahanyelo lama thyakeke. Hikwalaho, vana va hina va lava ku dyondzisiwa milawu ya mahanyelo ni tidyondzo ta Bibele ku tlula rini na rini. Vatswari va nga wu kuma kwihi mpfuno wo letela vana va vona? Vatswari vo tala lava letelaka vana va vona hi ndlela leyinene va kume mpfuno eBibeleni hikuva va swi xiya leswaku milawu ya yona ya mahanyelo ni nkongomiso wa yona evuton’wini swi famba emahlweni.

Leswaku Timbhoni ta Yehovha ti kota ku pfuna vatswari va dyondzisa vana va vona, ti lunghiselele buku leyi nge Dyondza Eka Mudyondzisi Lonkulu. Buku leyi yi ni tindzima ta 48 leti katsaka leti landzelaka: “Ku Yingisa Swi Nga Ku Sirhelela,” “Xivangelo Xa Leswaku Hi Va Lava Rivalelaka,” “Xivangelo Xo Papalata Ku Hemba,” “Lexi Nga Hi Pfunaka Leswaku Hi Hlula Ku Chava” ni leyi nge “Lexi Endlaka Leswaku Hi Tirha.”