Tsakela Vutomi eMisaveni Hi Masiku!

Xibukwana lexi xi tsaleriwe ku ku pfuna ku tiva loyi a endleke misava ni hinkwaswo leswi nga eka yona. U ta dyondza leswaku Xikwembu, lexi endleke misava, xi ni vito. Nakambe eka xona hi ta hlamusela leswaku hikwalaho ka yini Xikwembu xi endlile munhu ni leswaku u nga tiphinisa ku yini hi vutomi emisaveni hi laha ku nga heriki.

Ha tshemba leswaku swifaniso leswi swo tala swi ta ku pfuna ku twisisa swilo leswi ku antswa. Leswaku u ta pfuneka swinene, u fanele ku hlaya matsalwa ya Bibele lama kombisiweke ekusuhi ni swifaniso leswo tala. Hi ndlela yoleyo, u ta kota ku swi hlaya hi wexe swin’wana swa switshembiso leswinene swa Xikwembu leswi nga eBibeleni ni leswi Xikwembu xi nge u fanele ku swi endla leswaku u ta kuma ku hetiseka ka switshembiso leswi.

U nga ha tsakela ku tirhisa xibukwana lexi leswaku u pfuna vanhu van’wana. Loko u ri ni vana, u nga xi tirhisa ku va pfuna ku dyondza hi Xikwembu. Loko u tshama etikweni leri vanhu vo tala lavakulu va nga swi kotiki ku hlaya, u nga tirhisa swifaniso ku va pfuna leswaku va twisisa swikongomelo swa Xikwembu leswaku na vona va ta pfuna vaakelani va vona.

Ha tshemba leswaku ku dyondza rungula leri swi ta ku pfulela ndlela yo amukela mikateko yo tala, hambi ku ri ku komba van’wana ndlela yo hanya hi laha ku nga heriki laha misaveni.