Risimu 168

Ku Xiya Hosi Leyintshwa Ya Misava

(Psalma 2:12)

1. Vonani ndhawu hinkwayo

Xivono xo tsakisa—

Tinhenha ta La nge Henhla,

Ti famba hi xivindzi.

Ku hatima ka swihuku

Ku ti tiyisa matimba.

Ti huwelela hi ntamu:

“Ku fuma i ka Yesu.”

(Khorasi)

2. Va rhangeriwa hi Yesu;

Va landzelela yena.

Va n’wi yingisa swinene,

Kutani a va chavi.

Va lwa hi Rito ra Hosi.

Va haverile mahungu.

Va famba ntilen’ wa Hosi;

Va landzelela wona.

(Khorasi)

3. Vonani nkarhi hi wona

Wa ku fuma ka Kreste.

Valala va ta dya ntshuri,

Va rhurhumela ngopfu.

Yehovha wa n’wi pfuneta.

Tinanga takwe ta pfuma.

Vafumi xiyaxiyani,

Mi tirha hi vutlharhi.

(KHORASI)

Angarhani N’wana wa Xikwembu leswo

Xi nga tshuki xi mi heta.

Va tiphina lava sweswi va

nga ni ntshembo ka yena!