I Yini Leswi Xikwembu Xi Swi Languteleke Eka Hina?

Broxara leyi yi endleriwe dyondzo ya Bibele. Xana yi nga tirhisiwa njhani? Hi ringanyeta endlelo leri: Eku sunguleni ka dyondzo yin’wana ni yin’wana, ku ni swivutiso. Endzeni ka swiangi endzhaku ka xivutiso xin’wana ni xin’wana, u ta kuma tinomboro ta tindzimana laha tinhlamulo ti kumekaka kona. Sungula hi ku hlaya swivutiso. Anakanyisisa hi swona. Kutani hlaya ndzimana yin’wana ni yin’wana, u languta matsalwa eBibeleni ya wena. Loko u hetile dyondzo, tlhelela eka swivutiso kutani u ringeta ku kuma nhlamulo ya Bibele eka xivutiso xin’wana ni xin’wana. Loko u hetile ku hlaya broxara leyi hinkwayo, tlhelela endzhaku u ya pfuxeta swivutiso hinkwaswo.