XIYENGE 14

U Nga Swi Kombisa Njhani Leswaku Wa Tshembeka Eka Yehovha?

Mikarhi hinkwayo seketela Xikwembu. 1 Petro 5:6-9

Wanuna u ala ku katseka eka vukhongeri bya mavunwa ni le ka swa tipolitiki

Papalata ku tikatsa eka mikhuva leyi nga fambisaniki ni Bibele. Swi lava xivindzi ku endla tano.

U nga katseki eka timhaka ta tipolitiki ta tiko hikuva a ti n’wi seketeli Yehovha ni Mfumo wakwe.

Endla xiboho lexinene hi ku va u yingisa Xikwembu. Matewu 7:24, 25

Wanuna u ya etinhlengeletanweni ta vandlha eHolweni ya Mfumo naswona u dyondza Bibele ni un’wana wa Timbhoni ta Yehovha

Tihlanganise ni Timbhoni ta Yehovha; ti ta ku pfuna leswaku u tshinela eka Xikwembu.

Yana emahlweni u dyondza hi Xikwembu naswona u ringeta ku yingisa swileriso swa xona.

Wanuna u tinyiketela eka Yehovha hi xikhongelo naswona endzhaku u le ku khuvuriweni

Loko ripfumelo ra wena se ri tiyile, u fanele u tinyiketela eka Yehovha kutani u khuvuriwa.—Matewu 28:19.

Yingisa Xikwembu. Hlaya Bibele kutani u kombela Timbhoni ta Yehovha ti ku pfuna leswaku u yi twisisa. Tirhisa leswi u swi dyondzaka. Loko u endla tano, u ta hanya hilaha ku nga heriki.—Pisalema 37:29.