Tihlo Ra Yehova “Ri Languta V̌akulukumba”

VAKULU namuntlha hakanyingi va fanele va endla makungu lama vonakaka ma ri makulu eka mpimo wa vutivi ni ntokoto wa vona. Hambi swi ri tano, xiyisisa xiyimo lexi kongomaneke ni vakulu van’wana va Vayuda emasikwini ya Ezra.

Endzhaku ka ku vuya ka masalela ya Vayuda eBabilona, nkarhi wa ku leha ka malembe ya 16 wa ku tsana wu sungurile. Muprofeta Hagai na Zakariya va swi kotile ku humesa Vayuda etihanyini ta vona, naswona ntirho wa ku tlhela ku akiwa tempele ya Yehova wu sungurile. Hambi swi ri tano, hi xihatla, ntirho lowu wu tlhontlhiwile hi vafumi va Persia. Vakaneti va vutisile va ku: “Mi byerile i mani ku aka yindlu yoleyo?”—Ezra 5:1-3.

Nhlamulo ya xivutiso lexi a yi nonon’hwa. Loko vakulu a va lo pfumela ku chavisiwa, ku pfuxetiwa ka tempele a ku ta va ku herisiwe xikan’we-kan’we. Loko vakulu a va lo hlundzukisa vafumi volavo, a ku ta endliwa nsivelo wa xihatla wa ntirho. Kutani vakulu (lava rhangeriweke hi mufumi Zorobabel na Yoxuwa Muprista Lonkulu handle ko kanakana) va vulavule hi vutshila kambe va nyika nhlamulo leyi pfunaka. Va tsundzuxe vafumi hi nawu lowu rivariweke khale wa Kores lowu nyikeke Vayuda mpfumelelo wa ximfumo wo ya emahlweni na ntirho lowu. Hi ku tiva endlelo ra Vapersia ra ku nga hundzuhwi ka nawu lowu vekiweke, vafumi lava hi vutlhari va hlawule ku papalata ku kaneta nawu wa vuhosi. Xisweswo ntirho wu pfumeleriwile ku ya emahlweni ku fikela loko endzhaku Hosi Darius a nyike mpfumelelo wa yena wa ximfumo wo ya emahlweni’—Ezra 5:11-17; 6:6-12.

Xana vuyelo lebyi byo hlamarisa byi ve kona hikwalaho ka vutlhari bya munhu ke? Hi laha ku hambaneke, mhaka ya Ezra yi vula leswaku “tihlo ra Šikwembu ša v̌ona ri languta v̌akulukumba v̌a-V̌ayuda.” (Ezra 5:5) Hi ku olova Yehova u kongomise nhlamulo ya vona ni ku swi amukela loku humaka eka hosi ya Persia. Vakulu va Vakriste namuntlha hi ku fanana va nga languta eka Yehova leswaku va kuma vuleteri ni vukongomisi loko va hlangavetana ni makungu yo tika kumbe loko va dodombisana ni vakaneti. Yehova wa tshembisa eka Psalma 32:8: “Nḍi ta ku tlharihisa nḍi ku komba ndlela leyi u faneleke ku famba ha yona; nḍi ta ku letela, ni mahlo ya mina ya ta v̌a ka wena.”