Xiviko Xa Vahuweleri Va Mfumo

Hi Masiku Ya Kaye Ntsena!

“NCHAVO!” Rito rero rin’we a ri ri nhloko-mhaka ya muhleri eka phepha-hungu ra Vancouver Island, eCanada, hi August 14, 1985. Muhleri u hlamusele ku akiwa ka Holo ya Nhlengeletano ya swikwere fidi swa 25 000 (2,300 sq m) hi masiku ya kaye ntsena.

Eka malembe ya khume lama hundzeke, Timbhoni ta Yehova tl antswise vuthekinikl bya ku yimislwa ka xlhatla ka Tiholo ta Mfumo ta kwalaho. Kambe Holo ya Nhlengeletano ya Timbhoni ta Yehova ya Vancouver Island i muako wo tano wo sungula eCanada ngopfu-ngopfu lowu endleriweke tlnhlengeletano ta xifundza ta lembe na lembe ta mintlawa ya mabandlha. Holo leyintshwa yi le ka xivandla xa tiekere ta nhungu (3 ha) eCassidy, eColombia ya Manghezi. Swihlahla swo leha swa rihlaza swi nyikela matshamelo yo xonga, kasi xinambyana lexi tsakisaka xi khuluka hi le ndzhaku ka muako. Yi katsa holo leyi tshamisaka 900, khafitheriya leyi tshamisaka 250, rivala ra swo nwa, xidan’wana lexi akiweke hi mathayele xo khuvulela eka xona ni Holo ya Mfumo leyi tshamlsaka 200 leyi tirhisiwaka hi mabandlha ya kwalaho. Hambi va ri lava va hlanganyeleke eku yi akeni va vula leswaku swa nonon’hwa ku pfumela leswaku yi yimisiwile ivi yi hetiwa hi masiku ya kaye.

Kavula, emahlweni ka muako wa masiku ya kaye, ku endliwe ntirho wo tala wo lunghiselela. Muako wo sungula exivandleni xa kona wu tlhantlhiwile ivi wu lunghisiwa—emabobomeni ya mpfula. Vapfuneti va ve ni xivindzi xo tsakama, eka maxele yo titimela ya October eku tsemiweni ka timhandzi to aka tindlu ta kedar—timhandzi to lala ta ntumbuluko leti endliweke evupeladyambu bya tikedar to tshwuka. Mafambiselo ya vupulambara, mahisele, xitengisa-moya, ya gezi ni man’wana a ya fanele ku kunguhatiwa. Xivandla a xi fanele ku lunghiseleriwa ni khonkhiritli ya swikwere fidi swa 25 000—exikarhi ka swilo swin’wana.

Hambi swi ri tano, eku heteleleni, xin’wana ni xin’wana a xi lunghile. Hi Mugqivelo, August 3, hi 8:00 ni mixo, endzhaku ko kambisisa ndzimana ya Bibele, vapfuneti lava nga ni tihamele va yime va tilunghisile va rhendzela khonkhiriti. Ku twale xirhambo lexi nge “Vamakwerhu, sungulani ku tirha!” hi swipikara. Vunyingi bya tihamele ti belele swipikiri loko vapfuneti lava ringanyeteriweke eka 4 500 va sungule ku tirha. Vapfuneti vo tala ni mindyangu ya vona a va huma eUnited States naswona van’wana a va huma ekule tanihi le Newfoundland, Norway ni le Nghilandhi. Vaakelani lava nga ni ntwelo-vusiwana va pfule swivandla swa vona leswaku ku tshamiwa ni ku pakiwa eka swona, kutani mathende, vadzimi va mixaxa, tilori ni mimovha swi funengete tiekere ta 35 (14 ha) ku rhendzela xivandla xexo.

Vahlaleri a va nyanyuriwe ngopfu. Kontraka yi tise vathoriwa va yona ku ta xiyisisa ntirho ni ku ta tsakela matshamelo ya kona. Vaakelani lava nga ni musa va nyikele hi matsavu eka ndzawulo yo lunghiselela swakudya, leyi lunghiseke swakudya swa nkarhi na nkarhi swa vatirhi. Vaakelani van’wana va tile va ta pfuneta hi ntirho wa xiviri. Nuna un’wana, endzhaku ko endzela xivandla lexi, u te: “Ndza swi vonisisa leswaku Xikwembu xi na n’wina.” Nuna loyi sweswi u endla nhluvuko lowunene eku dyondzeni ka Bibele ni Timbhoni.

Muhleri eka Ladysmith-Chemainus Chronicle u te: “Ku nga khathariseki leswaku u ni vukhongeri, kumbe a wu na byona, u fanele ku swi nyika Timbhoni ta Yehova ta 4 500 leti tirheke vusiku ni nhlikanhi eka vhiki leri hundzeke ni hafu leswaku ti aka Holo ya Nhlengeletano ya swikwere fidi swa 25 000 eCassidy . . . Ku endla leswi hi xivindzi handle ka njhekanjhekisano, ku avana kumbe ku tinyungubyisa i mfungho wa Vukriste bya ntiyiso.”

Hi Sonto, August 11, hi 6:00 nimadyambu, nhlangano wo sungula wu ve kona eka Holo ya Nhlengeletano leyi hetiweke, leyi sasekisiweke hi swibyariwa!