English w86 9/15

“Mufana Wa Mina A Nga Ndzi Nyikanga Ku Rhula Ni Kuntsongo”

Swoleswo hi leswi tatana un’wana a swi vikeke loko a tile eka rhavi ra hofisi ya Sosayiti ya Watch Tower ePeru sweswinyana. U hlamuserile:

“Mufana wa mina a a ndzi karhata hi mavhiki yo tala, a lava leswaku ndzi n’wi kumela Buku Yanga ya Timhaka Ta Bibele. Ku sukela loko un’wana wa vanghana vakwe va xikolo a yi kumile, mufana wa mina a nga ndzi nyikanga ku rhula ni kuntsongo. A ndzi ya ehenhla ni le hansi ndzi lava laha ndzi nga kumaka kopi kona. A ndzi nga ri na mianakanyo ni yintsongo ya laha ndzi nga sungulaka kona. Ku kambisisa eswitolo swa tibuku a swi pfunanga nchumu.

“Ndzi hlamuserile un’wana wa vatirhi-kulorhi ehofisini, kutani u vule leswaku ndzi fanele ku ya eka Timbhoni ta Yehova ndzi ya yi kuma kona. Ndzi ku, ‘E-e! Hayi vanhu volavo. Nkarhi na nkarhi va ta, kambe ndza va hlongola.’ Kambe u ndzi khorwisile leswaku a mi bihanga—entiyisweni, u mi bumabumerile ivi a vula leswaku buku leyi a ndzi yi lava hakunene a yi ri yinene. Kutani hi mina loyi. Ndzi lava buku ya kona.”

Hi vona onge, na wena, u ta lava buku leyi ya swifaniso swo xonga, ya tinhlanga leti kurisiweke. Timhaka ta yona ta Bibele ta 116 ti nyika muhlayi mianakanyo ya leswi Bibele yi vulavulaka ha swona.

Rhumelani buku ya xifunengeto xo tsindziyela, leyi hakeleriweke mali ya poso leyi yi nge Buku Yanga ya Timhaka Ta Bibele, ndzi yi hoxelaka R4,50.