Mpfuno Wa Swifaniso Leswi Dyondzisaka

Swifaniso leswi voniwaka hakanyingi swi tirha swinene ku tlula rito leri tsariweke eku dyondziseni ka mianakanyo ya nkoka. Manana un’wana u hlamusela hi ndlela leyi a chaveleriweke hi xifaniso xo tano ha yona:

“Swifaniso leswi tirhaka eka buku ya U Nga Hanya Hi Masiku aParadeyisini eMisaveni swi ve leswi ndzi swi tsakelaka swinene hikwalaho ka ku pakanisa ka swona loku fanelaka hakunene eyinhleni yo vulavurisana.

“Hambi swi ri tano, ku tlangela ka mina ka ku hundzuka-hundzuka ka swona ku entisiwile hi Sonto leyi nga hundza loko xirho xa ndyangu wa ka hina xi tokote mhangu. Mufana wa hina lontsongo, Aroni, u tshoveke voko, naswona dokodela u hlamusele leswaku ku titivatiwa loku tolovelekeke ku fanele ku endliwa leswaku ri hlanganisiwa. Loko mufana wa hina a fambisiwa, ndzi twe mbilu yanga yi mbombomela hi ku hatlisa. Loko nkarhi wu ri karhi wu famba, ku vilela ka mina ku engetelekile.

“Endzhaku ndzi tsundzuke xifaniso lexi nga eka ndzima 11, eka tluka 100. Ntikelo wa marito ya kona hi lowu, ‘Tanihi leswi mutswari a pfumelelaka n’wana wakwe la rhandziwaka leswaku a endliwa oparexini yo vavisa, na xona Xikwembu xi na swivangelo leswi twalaka swa ku pfumelela vanhu va xaniseka hi xinkarhana.’ Loko ndzi ri karhi ndzi phindha-phindha mianakanyo leyi, ku rhula ka Xikwembu ku ve ehenhla ka mina, naswona ndzi swi kotile ku hlayisa ku rhula ni ku tikhoma ka mina.”

Swifaniso leswinene swo dyondzisa leswi tlulaka 150, swo tala swi ri na mivala yo xonga, swa kumeka eka buku leyi yinene. Tata kutani u rhumela fomo leyi fambisanaka na wona, kun’we ni R4,50, kutani u amukela kopi ya wena.

Rhumelani buku yo tsindziyela, leyi hakeleriweke eposweni ya matluka ya 256 leyi nge U Nga Hanya Hi Masiku aParadeyisini eMisaveni. Ndzi hoxa R4,50.