Nkambisiso Wa Mahungu
Vuevhangeli Bya TV—I Ndlela Ya Xikwembu Ke?
Loko Yesu o va emisaveni namuntlha, hi ku vula ka muevhangeli wa TV Jim Bakker, “a a fanele ku va eka TV.” Ha yini ku ri TV? Hikuva, hi ku ya hi Bakker, “yoleyo a ku ta va ndlela ntsena yo fikelela vanhu lava a va rhandzaka.” Tanihi Bakker, nhlayo leyi kulaka ya vachumayeri va kereke leyikulu eUnited States yi vona onge thelevhixini I xitirho lexi antswaka xo hangalasa Rito ra Xikwembu. Kambe, dyondzo ya 1984 yi kombe leswaku vaevhangeli va TV, ngopfu-ngopfu va “khutaza vanhu lava ana se va tinyiketeleke eka vukhongeri bya evhangeli.”
Hi laha ku tsakisaka, eka papila ro ya eka muhleri wa magazini lowu nge Ministry, muhlayi un’wana u tsarile a ku: “Mi vule leswaku [tisete ta thelevhixini] i switirho swa matimba swinene swa kereke swo byala mbewu ya evhangeli, kambe Xikwembu xi vula leswaku ntirho wa nkoka swlnene i ku famba hl yindlu na yindlu—ku hlota mimoya. . . . Muponisi wa Hina u swi rhandzile ku sukela ntshungu, ivi a famba hi yindlu na yindlu—a hlota mimoya. Ku vulavula ni munhu un’we a a swi tsakela ngopfu. . . . Xana a swi hi faneli ku endla tano ke?”
Hi ku ya hi Yesu Kriste, xikongomelo xa vutirheli bya Vukriste a ku nga ri ‘ku hangalasa Rito’ ntsena kambe ku endla “vadyondzisiwa.” (Matewu 28:19, 20) U lerlse valandzeri vakwe ku ya emakaya ya vanhu. (Matewu 10:7, 11-13) Muapostola Pawulo u amukele mukhuva lowu wo chumayela ivi a vulavula hi vutirheli byakwe a ku: “A ndzi mi fihlelanga nchumu wa leswi swi fanelaka ku mi pfuna, ndzi ri karhi ndzi mi tivisa Rito ni ku mi dyondzisa erivaleni ni le mindyangwini ya n’wina.” Vutirheli bya yindlu na yindlu bya mudyondzisiwa byo vulavula ni vanhu byi tshoverile vuyelo lebyinene.—Mintirho 5:42; 20:20.
Loko Yesu a endle ku kandziyisa ko tano eka mukhuva lowu wo chumayela leswaku ku endliwa vadyondzisiwa, hikwalaho ka yini vunyingi bya vavuri va evhangeli byi hlawula TV tanihi xitirho xa byona? The Courier-Mail ya Brisbane, Australia, yi vula leswaku vaevhangeli va TV va “endla ku fika eka 180 wa timiliyoni ta tirhandi hi lembe va ri karhi va xavisa ku pona. Va humelela va ri lava voningiwaka ni ku kwetsimisiwa hi gezi eka switichi swa 300 swa TV, naswona va gandzeriwa tanihi swifaniso leswi tolovelekeke swa swikwembu. . . . Hikwalaho ka marhengu ya vona hinkwawo, vanhu lava va tivulaka lava lawulaka ni Xikwembu, emakumu va vonaka va endla bindzu. Va rhumele R15 kutani va ta ku rhumela etilweni.”
Vurhangeri Lebyi Nga Hava Ripfumelo
Yesu Kriste u te: “Hi mina ku pfuka ni vutomi.” (Yohane 11:25) Kambe, “vunyingi bya vafundhisi va Makhatoliki lava tataka Tiyunivhesiti na swikolo swa vufundhisi va nga ka va nga titisi va ta vula leswaku va pfumela, kumbe hi ku olova va tshemba ku pfuka ka vafi,” ku vika magazini wa mahungu wa Insight.
Xana Makhatoliki ya Rhoma lawa hakunene ma navelaka ku landzela tidyondzo ta Bibele ya nga tlyisiwa njhani eka ripfumelo ra wona hi vadyondzisi vo tano? Va nge swi koti, hikuva muapostola Pawulo u tsarile a ku: “Loko ku ri hava ku pfuka ka vafi, Kriste hi xiviri, na yena a nga pfuxiwanga. Kutani loko Kriste a nga pfuxiwanga eku feni, ku dyondzisa ka hina a ku vuli nchumu, ni ku pfumela ka n’wlna a ku vuli nchumu.”—1 Vakorinto 15:13, 14.
Laha Ku Nga Hava Ku Rhula
Hi October 24, 1985, Nhlengeletano ya Mani na Mani ya Nhlangano wa Matiko yi tivise 1986 tanihi Lembe ra ku Rhula ka Matiko Hinkwawo. Xiboho xi vule leswaku lembe leri ri fanele ku “tirhisiwa ku namarhela eka matshalatshala ya Nhlangano wa Matiko ni Matiko lama nga Swirho swa yona eku hlohloteleni ni le ku kumeni ka mianakanyo ya ku rhula hi tindlela hinkwato leti kotekaka.” Xana va tshembe leswaku va ta swi hetisisa njhani leswi? Hi “xiendlo lexi hambetaka ni lexi tiyeke xa matiko ni vanhu lexi kongomisiweke eku siveriweni ka nyimpi.”
Sweswi leswi hi tshinelelaka makumu ya lembe ra ku “Rhula,” hi kuma yini xana? Swikongomelo swo tano leswi tlakukeke swi tsongahatiwile hi ndlela yo hlamarisa hi mimpfilumpfilu ya swa nyimpi leyi hambetaka yi pfindluka emisaveni hinkwayo. “Minhlaselo ya vusukumbele, minjhekanjhekisano ya matiko, ku hambana ka mianakanyo ni ka rixaka ni tinyimpi ‘leto kwetsima’ swi engetela eka 19 wa mimpfilumpfilu leyikulu, ni vunyingi bya leyintsongo,” ku vule The West Australian. Nhloko-mhaka ya nyuziphepha yi kombe leswaku kwalomu ka miliyoni yin’we ya masocha sweswi yi le ka mpfilumpfilu wa switlhavani wa misava hinkwayo. Kahle-kahle, eka timiliyoni leti vaka vahlaseriwa va nyimpi yo tano, ku hava ku rhula.
Xana varhangeri va vanhu va nga langutela murhi wa ntiyiso hi switiviso swa nkarhi lowu taka swa ku rhula? E-e, hikuva Yeremia 10:23 yi ri: “Oho, Yehova, nḍa ŝi tiv̌a, ndlela ya munhu a yi le matimbeni ya yena, kambe munhu l’a fambaka a nga ka a nga lulamisi renḍo ra yena.” (Ringanisa Yeremia 6:14.) Kunene, ku rhula ka ntiyiso ku ta huma eka Xikwembu ntsena.