“Rifuwo Hi Ririmi Ro Hemba . . . I Hunguva”

MASIKU lawa, ku hemba ni ku xisa hakanyingi swi langutiwa tanihi marhengu ya bindzu—naswona lama humelelaka hi laha ku xiyekaka​—⁠lama nga enawini. Lowu a wu ri ntiyiso eminkarhini ya Bibele. Mupisalema Asaf u tsale hi lava va nga “hlengeleta šuma,” kahle-kahle hi marhengu lama nga tshembekiki. Vanhu vo tano va nga vonaka va ri ‘Iava tsakeke hi masiku’ hikwalaho ka rifuwo leri vukanganyisi bya vona byi va tiseleke rona.—Psalma 73:8, 12.

Hambi swi ri tano, Vakriste namuntlha va fanele ku papalata ‘ku rhandza bindzu leri nga tshembekiki’ ni ku nghenela maendlelo lama kanakanisaka kumbe lama nga tshembekiki ya bindzu. (1 Petro 5:2) Swivuriso 21:6 ya tsundzuxa yi ku: “Ku tihlengeleta rifuwo hi ririmi ro hemba, i hunguv̌a le’yi hangalakaka ya v̌anhu la’v̌a ṭuṭumaka ku feni.” Ina, “rifuwo” rin’wana ni rin’wana leri kumiweke hi ku hemba ni vukanganyisi ri boheka ku va ra xinkarhana tanihi “hunguv̌a,” ri nyamalala tanihi nkahelo. “Rifuwo le’ri kumiwaka hi la’v̌o biha a ri pfuni ntšhumu” enkarhini wo leha. (Swivuriso 10:2) Hakunene, la hembaka u ‘lava rifu’ hi ku phikelela ndlela leyi dlayaka. Vutomi bya yena byi nga tsemeka a ha ri ntsongo loko makungu ya yena yo hemba ya n’wi hundzukela. (Ringanisa Ester 7:10.) Kumbe eku heteleleni, vutomi bya yena byi ta herisiwa esikwini ra Xikwembu ra ku avanyisa.