“Buku leyi yi fanele ku kuma Hakelo”

Papila leri landzelaka ri amukeriwe ri huma eEast Orange, New Jersey, U.S.A.

“Eka Muchaviseki:

“Sweswinyana ndzi vile ni ntsako wo hlaya buku ya Life—How Did It Get Here? By Evolulion or by Creation? Ndzi yi teke hi xitshuketa loko ndzi ri karhi ndzi tirha ekamareni ro rhumela entirhweni wa mina. Naswona ndzi anakanye leswaku buku a yi nyanyula ntsena. Vanhu lava endleke xiphemu lexi xo hlamarisa xa ntirho va faneriwa hi ku nkhensiwa. A ndzi hangalasi ku nkhensa ka mahala, kambe hakunene ndzi va nkhensa hi xiviri.

“Ndzi ni vanhwana vambirhi lava rhandzekaka, un’wana u ni khume-n’we naswona lowun’wana u na malembe ya nkombo. Ndza tiyiseka leswaku buku leyi yi ta tikomba yi ri xitirho xa nkoka eka dyondzo yo sungula leyi va yi kumaka sweswi. Buku leyi yi tsariwe kahle hi tinhlanga letikulu—leti fanelaka mahlo ya Tatana la Dyuhaleke la Rhandzekaka. Buku leyi yi fanele ku kuma Hakelo [Oscar] hikuva yi na mihlovo-hlovo, swifaniso leswinene ni ku andlariwa hi vutshila. . . . Ndzi byeleni laha ndzi nga yi kumaka kona na hi laha ndzi nga yi odaka ha kona. Ndzi lava tikopi tinharhu, kutani rhumelani tifomo to oda ni nxavo hi ku hatlisa loko swi koteka.” (Buku leyi yi kumeka hi Xinghezi na Xibunu ntsena.)

U nga kuma kopi ya buku leyi yinene hi ku tata ni ku rhumela fomo kun’we ni munyikelo wo R4,50 ntsena.

Rhumelani buku leyi hakeleriweke eposweni, ya matluka ya 256 ya Life—How Did It Get Here? By Evolution or by Creation? Ndzi nghenisa R4,50.