Va Hlelekele Ku Tirhela Xikwembu

“Ndzi kambisise vukhongeri byo hambana-hambana ni mimpambukwa ya vukhongeri,” ku tsala wanuna la humaka eMexico. “Kambe a ndzi si tshama ndzi vona ku hleleka ko tano.” Wanuna loyi a a ha ku heta ku hlaya broxara leyi nge Timbhoni ta Yehova Ti Endla Ku Rhandza Ka Xikwembu Hi Vun’we eMisaveni Hinkwayo. U hlamuserile a ku: “Leswi ndzi khumbaka ngopfu i ku tinyiketela loku ha kona mi hetisisaka xileriso xo chumayela mahungu lamanene ya Mfumo hi yindlu na yindlu, entirhweni, exitarateni, emabazini. Swa hlamarisa ku kuma vanhu lava tinyikelaka ku endla ku rhandza ka Xikwembu hi rixaladza enguveni leyi yi taleke swinene hi vukanganyisi bya vukhongeri.”

Dyondza leswi Timbhoni ta Yehova ti swi pfumelaka, ndlela leyi va hlelekeke ha yona, ni ndlela leyi nhlengeletano ya vona yi tirhaka ha yona emisaveni hinkwayo. Oda tibroxara timbirhi ta matluka ya 32 leti nge Timbhoni ta Yehova Ti Endla Ku Rhandza Ka Xikwembu Hi Vun’we eMisaveni Hinkwayo, na Timbhoni Ta Yehova Eka Dzana Ra Vumakumembirhi. I R1,50 ntsena.

Ndzi rhumeleni tibroxara timbirhi leti nge Timbhoni ta Yehova Ti Endla Ku Rhandza Ka Xikwembu Hi Vun’we eMisaveni Hinkwayo, na Timbhoni Ta Yehova Eka Dzana Ra Vumakumembirhi ti hakeleriwe eposweni. Ndzi nghenisa R1,50.