Laha Diyavulosi A Humeke Kona

“Mintirho ya mina ngopfu-ngopfu i ku hlayisa swihlangi swi ri emabandhini ya switulu swa swona ni ku swi hlayisa swi miyerile,” ku hlamusela ntombhi yin’wana leyi tirhaka nkarhinyana tanihi mulanguteri wa bazi ra xikolo eDakota Dzonga. Wa hlamusela:

“Un’wana wa vafana u ndzi khomisa ku tika swinene. Kavula, ú ni malembe ya tsevu ntsena hi vukhale, kambe nomu wa yena minkarhi yin’wana wu nga humesa tinhlamba leti chavisaka. Ndzi boheke ku n’wi tshamisisa exitulwini xa yena ni ku tshama na yena voko ra mina ri ri enon’wini wa yena leswaku a nga vulavuli. A a raha, a hala-hala, a tova, a rhukana ni ku cema. Loko swi pfukekile, u lava ku gangarheriwa leswaku a nga suki exitulwini xa yena.

“Hi Ravuntlhanu a swi bihile, naswona hi nkarhi lowu se a ndzi hlakarile, u vutisile a ku: ‘Ha yini Xikwembu xi endle Diyavulosi?’ A ku ri na kopi ya Buku Yanga Ya Timhaka Ta Bibele ebazini. Ndzi n’wi byele leswaku buku leyi a yi ta n’wi pfuna ku vona laha Diyavulosi a humeke kona. Xana u nga kholwa leswaku hi hete timhaka ta 41 hi ri swin’we ke? A ndzi ri ekusuhi no lan’wa xihlangi lexi, kambe langutelo ra xona ri cincile ku fikela laha xi nga ha laveki ku ehla ebazini loko hi fika exikolweni. Xi lava ku hlaya timhaka leti engetelekeke!”

Ku dyondza buku leyi yi xiyekaka swi humese vuyelo lebyi fanaka eka vantshwa van’wana vo tala. U nga ha amukela kopi ya buku leyi yi nga ni swifaniso leswi sasekeke, ya matsalele lama vonekaka kahle, ya matluka ya 256 hi ku tata ni ku rhumela xiphephana lexi nga laha hansi kun’we ni R7,50.

Rhumelani buku yo tsindziyela, leyi hakeleriweke eposweni leyi nge Buku Yanga Ya Timhaka Ta Bibele, leyi ndzi yi humeselaka R7,50.